1 мин

АНУ-ын Засгийн газар визний тухай хуулиа шинэчиллээ

Хойд Солонгос, Венесуэл, Чад зэрэг улсын иргэдэд олгох аяллын визийг хориглолоо.

2017.09.25 34 21 5

АНУ-ын Засгийн газар олон улсын визний тухай хуулиа шинэчилж, Хойд Солонгос, Венесуэл, Чад зэрэг улсын иргэдэд олгох аяллын визийг хориглолоо. Ерөнхийлөгч Доналд Трамп АНУ-ын хэрэгжүүлж буй энэ хориг арга хэмжээг олон улс ч дэмжиж хэрэгжүүлэхийг уриалжээ.

“АНУ-ын аюулгүй байдлыг хангана гэдэг миний нэн тэргүүний зорилт юм. Бидний аюулгүй байдалд харшилж байгаа юуг ч зөвшөөрч болохгүй.” гэж АНУ-ын Ерөнхийлөгч Доналд Трамп мэдээлжээ. АНУ-аас Иран, Ливи, Йемен, Сомали, Судан зэрэг улсад аялалын визийг хориглоод байсан бол ийнхүү дээрх гурван улс нэмэгдлээ. Хориг арга хэмжээ 10-р сарын 18-наас эхлэн хэрэгжих юм. 
Хойд Солонгосын цөмийн туршилтуудаас хамааран хоёр улсын харилцаа эрс муудаж байгаа бөгөөд хоёр улсын хооронд зорчих иргэд тун бага тул төдийлөн ач холбогдолгүй хориг боллоо гэж судлаачид үзжээ. 

 Эх сурвалж: BBC 

2017.09.25