Миллениалуудын хөтөч: Монгол Улсын 30 дахь Ерөнхий сайд хэн болох вэ?
-Монгол Улсын 30 дахь Ерөнхий сайдын албан тушаалд өрсөлдөгчдийн нэрсийг өнөөдөр Удирдах зөвлөлөөс Бага хуралд шилжүүлэв.
-Эцсийн мөчийг хүртэл УИХ-ын гишүүн Ө.Энхтүвшин, Шадар сайдын үүрэг гүйцэтгэгч У.Хүрэлсүх нар Ерөнхий сайдад өрсөлдөх таамаг давамгайлж байсан бол УИХ-ын гишүүн Н.Энхболдын нэр нэмэгдсэнээр гурван эрхмийн хооронд өрсөлдөөн өрнөх болов.
-А.Энхтүвшинг Бага хурлын гишүүдийн олонх болж буй “хотын” фракц дэмжиж байгаа бол У.Хүрэлсүхийн ард өөрийнх нь үүсгэн байгуулсан “Зүүний хүчний холбоо” бий. Гэтэл Н.Энхболдыг ч бас “хотын фракц” зүтгүүлж буй сурагтай.
-Гурван нэр дэвшигчээс хамгийн залуу нь У.Хүрэлсүх, 49 настай. Хамгийн хөгшин нь Ө.Энхтүвшин, 59 настай.
-Нэр дэвшигчдийн хэн нь ч өмнө Ерөнхий сайдаар ажиллаж байгаагүй.
-Ерөнхий сайд хэн байхыг МАН-ын Бага хурлаас санал хураах замаар, 50%+1 зарчмаар тодруулна. 13 цагийн байдлаар Бага хурлын хуралдаанд оролцох 310 гишүүнээс 185 нь ирээд байв.
-Бага хурал өнөөдөртөө амжин Ерөнхий сайдыг тодруулах зорилготой тул ажлын цаг хэтрүүлэн хуралдах магадлалтай.
-МАН-ын Бага хурал Тусгаар тогтнолын ордонд хуралдаж байна.
-Ерөнхий сайдын нэр тодормогц Монгол Улсын Ерөнхийлөгчтэй зөвшилцөн УИХ-ын чуулганаар батална.
-Ерөнхий сайд болох хүн заавал МАН-ын дарга байхыг заасан дүрэм журам байдаггүй. Гэхдээ улс төрийн уламжлал бол бий. Тиймээс эл гурван өрсөлдөгчийн хэн ч ялсан бай, МАН-ын даргын төлөөх марафонд дахин нүүр тулах магадлалтай.
-МАН-ын даргыг тус намын их хурлын төлөөлөгчдийн саналаар сонгодог. МАН их хурлаа аравдугаар сард хуралдуулахаар төлөвлөж буй.
-Ө.Энхтүвшин өмнө нь МАН-ын даргаар нэг жил ажилласан.