1 мин

Монгол улс амиа хорлолтоороо дэлхийд ГУРАВДУГААРТ бичигдэж байна

Дэлхийн Эрүүл Мэндийн байгууллагын судалгаагаар бид 3-т оржээ.

О.Анхзаяа 2017.09.26

Дэлхийн Эрүүл Мэндийн байгууллагын 2015 оны судалгаагаар дэлхийд амиа хорлолтоороо тэргүүлдэг улс орнуудын гуравдугаарт манай улс жагсаж байна. Үүнээс эрэгтэй хүмүүсийн амиа хорлолтын хэмжээгээрээ дэлхийд хоёрт, эмэгтэйчүүдийн амиа хорлолтын хэмжээгээрээ дэлхийд 21 дүгээрт бичигдэж байжээ.

Эрэгтэйчүүдийн дундах амиа хорлолт 2015 онд аль улс оронд илүү өндөр хувьтай байсныг та уг газрын зурагнаас харж болох юм. Бараан өнгөөр тэмдэглэгдсэн улс орнуудад амиа хорлолтын тоо өндөр байна.

Гол нь амиа хорлосон хүмүүсийн дийлэнх нь эрэгтэй хүмүүс ажээ.

Зүүн гар талаас эхлэн 2015, 2010, 2005, 2000 оны үзүүлэлтүүд.

Амиа хорлолтоороо Африк болон Азийн улс орнууд дээгүүр бичигддэг аж. 2015 оны судалгаагаар Шри Ланка нэгдүгээрт, Гуяана хоёрт, харин манай улс гуравдугаарт бичигдсэн юм. Уг судалгаа таван жил тутамд дэлхий даяар явагддаг ба ирэх 2020 онд ямар хариу гарахыг хэлж мэдэхгүй юм.

Та бүхэн уг судалгааны тухай дэлгэрэнгүй мэдээллийг ЭНД дарж авна уу.