Инстаграмынхаа зургууд дээрх сэтгэгдлийг хянах боломжтой боллоо
Өнгөрсөн мягмар гарагт "Comment Control" гэх шинэ боломж нээгдсэн нь хэрэглэгчид public account-уудынхаа пост дээрх зарим сэтгэгдлийг блоклох боломжтой болсон байна.
Гайгүй олон дагагчтай хүн бүрийн инстаграмын зураг дээр "Манайхыг сонирхоорой", "Хямдрал зарлалаа" гэх зэрэг зарын чанартай коммент байхыг та бишгүй л харж байсан биз. Бүр та өөрөө энэ коммент зар сурталчилгаанд өртөж байсан ч байж мэдэх юм. Аль эсвэл хэн нэгнийг хэл амаар доромжилж, гүтгэсэн сэтгэгдлүүдийг ч харж байсан биз. Тэгвэл азаар инстаграм энэ төрлийн комментод хяналт тавих шинэ боломжийг хэрэглэгчиддээ санал болгож байна. Өнгөрсөн мягмар гарагт "Comment Control" гэх шинэ боломж нээгдсэн нь хэрэглэгчид public account-уудынхаа пост дээрх зарим сэтгэгдлийг блоклох боломжтой болсон байна.
Таныг дагадаг хүмүүс, эсвэл та дагадаг хүмүүс гэх зэрэг тодорхой бүлэгт сэтгэгдэл бичих эрхийг хязгаарлах боломжтой юм байна. Та private account-тай байсан ч тодорхой хүмүүсийг таны постууд дээр сэтгэгдэл үлдээж болдоггүй болгох тохиргоог хийж ч болно. Өнгөрсөн зун инстаграм англи хэлээр бичсэн хараал, доромжилсон утгатай зарим үгсийг сэтгэгдэл хэсгээс автоматаар блок хийдэг болсон билээ. Тэгвэл энэ нь араб, франц, герман, португали хэлнүүдэд ч гэсэн адилхан үйлчлэх болсон тухай TIME мэдээлэв. Ингэснээр онлайн дарамт гүтгэлэг, доромжлолын тоог эрс багасна гэж тус компани үзэж байгаа аж.
Өнгөрсөн хэдэн сар бид дэлхийн өнцөг булан бүр дэх томоохон хотуудын гудманд #KindComments (Эелдэг сэтгэгдэл) гэх үгтэй өнгөлөг ханын зургуудыг зурж, хүмүүсийг бие биедээ муухай үг хэлж, сэтгэл зүрхийг нь өвтгөхийг эсэргүүцэх аян өрнүүлсэн билээ" хэмээн инстаграм албан ёсны хуудас дээрээ бичжээ.