мин

Лас Вегаст болсон цуст халдлагыг 65 настай Степен Паддок үйлдсэн бололтой

Ub.life 2017.10.02 35 21 1

Лас Вегаст болсон шоу тоглолтын үеэр 50 гаруй хүний аминд хүрч, 400 хүн шархадсан гэмт халдлагын сэжигтнээр 64 настай эрийг татаад буй тухай CNN мэдээлэв. 

Тухайн үед "Mandalay Bay Hotel"-д болсон каунтри дуучин Жэйсон Алдеаны тоглолт дээр байсан үзэгчид рүү Степен Паддок гэгч нь буудлын 32 давхраас гал нээсэн хэмээн албаны хүмүүс мэдэгджээ. Тэрбээр урьд нь гэмт хэрэгт холбогдож байсан, эсвэл террорист бүлэгтэй холбоотой гэх ямар нэг сэжүүр ил болоогүй бөгөөд цагдаагийн түүнийг яагаад ийм үйлдэл хийх болсны шалтгааныг хараахан тогтоогоогүй байгаа аж. 

Степен Паддок гал нээж, олон хүний аминд хүрснийхээ дараа өөрийгөө хороосон байна. "Тэр энгийн нэг л эр байсан. Ямар нэг уур бухимдал, үзэн ядалт мэдрэгдээгүй. Юу болсныг бид ч гэсэн гайхаж байна" хэмээн сэжигтний гэр бүлийнхэн ярьжээ. 

Цагдаагийнхан түүний байрлаж байсан өрөөнөөс 10 гаруй буу олсон байна. 

Эх сурвалж: CNN

Ub.life 2017.10.02