1 мин
Испанийн шигшээ багийн фэнүүд Пикег хөөлөө
“Пикэ зайл” гэсэн плакаттай ирж, түүнийг доромжлон харааж, элдэв зүйл шидсэн тул шигшээ багийн бэлтгэлийг 23 минутын дараа зогсоосон байна.
М.Сугар-Эрдэнэ
49 
44 
7 
Өнгөрсөн амралтын өдрүүдэд Испанийн Каталон мужид тусгаар тогтнох бүх нийтийн санал асуулга болсон билээ. Испанийн Цагдаагийн газраас санал асуулгыг зогсоохоор хүч хэрэглэн, олон хүн бэртэж гэмтсэн.
Энэхүү санал асуулгаас болж, Испанийн хөлбөмбөг, спортын ертөнц хоёр хуваагдаад байгаа юм. Каталоны “Барселона” багийн тоглогч Пике санал асуулгыг ил тод дэмжиж байгаагаа илэрхийлэн, тусгаар тогтнолын төлөө санал өгснөө мэдэгдсэн.
Мөн “Франкогийн дэглэмийн үед бидэнд үг хэлэх эрх чөлөө байгаагүй. Би каталон хүн, үүгээрээ бахархдаг. Хэрэв Испанийн шигшээ багийн дасгалжуулагч, Хөлбөмбөгийн холбооны дарга нар намайг Испанийн шигшээ багт хэрэггүй гэж үзвэл би 2018 оны ДАШТ-ээс өмнө шигшээ багийг орхиход бэлэн байна” гэж ярьсан юм.
Өчигдөр болсон Испанийн шигшээ багийн бэлтгэл дээр испани фэнүүд “Пикэ зайл” гэсэн плакаттай ирж, түүнийг доромжлон харааж, элдэв зүйл шидсэн тул шигшээ багийн бэлтгэлийг 23 минутын дараа зогсоосон байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа