Фото түүх: Лас Вегасын халдлагаар харамсалтайгаар амиа алдагсад


  |     2017-10-03 23:25   |     19030
  2017-10-03 23:25   |     19030

Өчигдөр Америкийн түүхэнд урд хожид байгаагүй аймшигт хэрэг гарч, дэлхий нийтийг цочоосон билээ. Лас Вегаст болсон каунтри хөгжмийн наадмын үеэр дуучин Жэйсон Алдеан тоглож байхад 64 настай Степен Паддок гэгч гэнэт гал нээж, 59 хүний аминд хүрч, 500 гаруй хүн шархдуулаад өөрийгөө хороосон юм. 

Харамсалтайгаар амь үрэгдсэн хүмүүсийн гэгээн дурсгалыг хүндэтгэж, дэлхийн өнцөг булан бүрээс эмгэнэл илэрхийлж байгаа бөгөөд Америкийн хэвлэлүүд хохирогчдын тухай мэдээллийг ил болгож эхэллээ. 

Бэйли, Швейтзэр 

"Infinity Communications and Consulting" компанийн ресепшн, 20 настай Бэйлиг "Бүрхэг өдөр мандсан нарны гэрэл адил манай оффисыг гэрэлтүүлдэг халуун дулаан нэгэн байсан" хэмээн хамт ажиллагсад нь дурсчээ. 

Жон Пиппен

Калифорнид байрладаг гэр дахин тохижуулалтын "JP Specialties" компанийг эзэмшдэг байсан тэрбээр тоглолтын үеэр хүүгийнхээ хамт бүжиглэж байхдаа буудуулсан аж. "Тэр миний хамгийн сайн найз байсан. Хэнд ч муу зүйл хийдэггүй аав минь бусадтай үргэлж эелдэг, зөөлөн харьцахыг амьдралаараа үлгэрлэсэн. Тэр миний мэдэх хамгийн том, хамгийн агуу зүрхтэй тедди баавгай байсан" хэмээн хүү Трэвис нь дурсчээ. 

Женнифер Ирвин 

Гэр бүлийн хуульч, өмгөөлөгч Женнифер Ирвин снөүбоардаар гулгах дуртай, таэквондогийн хар бүстэй нэгэн байжээ. Найзууд нь түүний тухай "Ухаалаг, нөхөрсөг найз минь амьдралын баяр баясгаланг эргэн тойрондоо харамгүй түгээдэг байсан" хэмээсэн байна. 

Ронда ЛеРоки 

42 настай Ронда уг тоглолтыг үзэхээр Лаг Вегас руу нөхөр, бага охины хамт явжээ. "Түүнийг ийм аймшигтай хэргийн хохирогч болж, амиа алдсан мэдээг өнөө өглөөхөн аваад цочирдож сууна. Тэр минь гэр бүлийн бүхий л баяр, арга хэмжээг зохиодог байсан. Гаднаа ч, дотроо ч үзэсгэлэнтэй сайхан охин минь" хэмээн ээж нь дурсав. 

Адриан Марфитт

Аляскийн загасчин Адриан мөн л уг тоглолтыг үзэхээр найзуудынхаа хамт Лас Вегасыг зорьжээ. Хоккей, загасчлах, аж ахуйн ажилд дуртай байсан тэр найзынхаа гар дээр өөд болжээ. 

Жэк Беатон 

Жек гал нээх үед эхнэрээ хамгаалж байгаад буудуулсан байна. Тэр өөрөө амь үрэгдсэн ч эхнэр Лаури Беатоноо аварч чадсан юм. Охиных нь хэлснээр тэр эхнэрийнхээ өмнүүр орж буудуулсан аж. "Хамгийн сайн найзаа алдлаа. Бид танд ямар их хайртай гээч. Тэнгэрийн орноос биднийгээ харж, хандаж яваарай. Таныгаа бид баатар болгон, үргэлж сэтгэлдээ дурсаж явах болно" хэмээн хүү нь бичжээ. 

Кристофер Роябал

Афганистанд энхийг сахиулагч байсан 28 настай Кристоферын тухай ээж нь "Өнөөдөр миний амьдралын хамгийн гунигтай өдөр болов. Зүрх минь хэдэн хэсэгт хуваагдан, бутарч байна. Бид ямар сайн найзууд байсны эргэн тойрныхон минь мэднэ дээ. Чамайгаа үргэлж хайрлах болно оо, үр минь" гэжээ. 

Энжи Гомез 

2015 онд ахлах сургуулиа төгссөн Энжигийн найзууд түүнд зориулж хандив цуглуулж эхэлсэн бөгөөд тэрбээр дуу дуулах дуртай, сайн дурын ажилд идэвхийлэн оролцдог нэгэн байжээ. "Тэр бол халуун сэтгэл, хайраар дүүрэн нэгэн байсан" хэмээн найзууд нь дурссан байна. 

Эх сурвалж: Buzzfeed 



Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

3 сэтгэгдэлтэй

  • zochin   [202.9.42.79]
      2017-10-27 09:36
    Buzzfeedees dandaa medeelel avhiin uursduu hiij chaddagumu?

  • Зочин   [202.179.25.22]
      2017-10-09 05:22
    Don't listen to country music mongolchudaa

  • Zochin   [193.23.181.121]
      2017-10-04 00:13
    Hunii sain ni turuuleed yvchih yumdaa bodood olohgui yum dain bol oor hereg tiim orchind medehguiee

Яагаад шинээр авсан хувцсаа УГААЖ өмсөх хэрэгтэй вэ?

Шинэ хувцас бүр “цоо” шинэ байдаггүйг мэргэжилтнүүд анхааруулжээ.

  2017-11-20 07:20

Хатан хаан Елизавета II, Хунтайж Филипп нарын гэрлэлтийн 70 жилийн ой

Хатан хаан Елизавета II, Хунтайж Филипп нар 1947 оны 11 дүгээр сарын 20-нд гэрлэсэн юм.

  2017-11-20 06:15

Анх удаа ТОЛГОЙ шилжүүлэн суулгах мэс засал хийжээ

Италийн мэдрэлийн их эмч Сержио Канаверо мэс заслыг гүйцэтгэжээ.

  2017-11-20 04:56