“Онцгой нэгэн” өөрийн нэрийн гудамжтай боллоо
Жозе Моуриньо “Сетубал бол миний өөрийнхөөрөө байж чаддаг цорын ганц хот. Энд хүмүүс миний “Онцгой нэгэн” хочийг мартаж, эгэл жирийн харьцдаг” гэж ярьсан байна.
Португалийн Сетубал хот Английн "Манчестер Юнайтед" багийн дасгалжуулагч Жозе Моуриньогийн нэрэмжит гудамжтай боллоо. “Онцгой нэгэн” хэмээн алдаршсан Жозе 1963 оны нэгдүгээр сарын 26-нд Сетубал хотод төрсөн юм. 90 мянган хүнтэй жижигхэн энэ хотоос төрсөн хамгийн алдартай хүн нь Моуриньо бөгөөд төрөлх хотдоо болсон ёслолын арга хэмжээнд өөрийн биеэр оролцжээ.
Жозе Моуриньо “Надад ер бусын сайхан мэдрэмж төрж байна. Сетубал бол миний өөрийнхөөрөө байж чаддаг цорын ганц хот. Энд хүмүүс миний “Онцгой нэгэн” хочийг мартаж, эгэл жирийн харьцдаг” гэж ярьсан байна.