Ёкозүна Харүмафүжи 5 бөхтэй барилдаж, тараан шидлээ
“Гонингакари” гэдэг нь аварга бөх өөрөөс доош цолтой таван бөхтэй шууд дараалан барилддаг барилдаан бөгөөд хамгийн сүүлд их аварга Таканохана 16 жилийн өмнө хийж байжээ.
Энэ сарын 4-нд Токио хотын Кокүгикан ордонд “Токио 2020” олимпийн наадамд зориулсан “Их сүмо. Beyond 2020 башё” арга хэмжээ боллоо. Гадаадын жуулчид, хөгжлийн бэрхшээлтэй хүүхдүүд зэрэг 4000 гаруй үзэгчийн өмнө сүмочид ур чадвараа харуулан, сүмогийн ёс жаягаа танилцуулсан.
“Сандангамаэ” хэмээх ёкозүнагийн дохёнд гарах ёслолоос өөр ёслолыг их аварга Хакүхо, ёкозүна Кисэносато нар гүйцэтгэж олныг баясгасан.
Харин өнгөрсөн Намрын тэмцээний аварга, ёкозүна Харүмафүжи “Гонингакари” буюу таван бөхтэй хийдэг барилдаанд гарлаа. “Гонингакари” гэдэг нь аварга бөх өөрөөс доош цолтой таван бөхтэй шууд дараалан барилддаг барилдаан бөгөөд хамгийн сүүлд их аварга Таканохана 16 жилийн өмнө хийж байжээ. Таван бөх аваргатай цуг дохёнд гаран, шикири ёслолоо хийж, ээлж дараалан аваргатай барилдах бөгөөд эхний бөх унахад дараагийнх нь ямар ч завсарлагагүй шууд аваргатай барилдаад эхлэдэгээрээ онцлогтой.
Ёкозүна 5 давбал ялалт авах бол голд нь унавал барилдаан зогсож, ёкозүнагийн ялагдал болдог байна. Эрт үед жинхэнэ башёд ч явагддаг байсан ч сүүлдээ тойргийн барилдаан, үзүүлэх тоглолтын үеэр л хийгддэг болсон. Харүмафүжи маэгашира Ишиүра, Чиёонокүни, Кагаяки, Хокүтофүжи, сэкивакэ Митакэүми нарыг дараалан ялснаар ялалт байгууллаа.
1938 онд башёд 66 дараалан даваад байсан ёкозүна Фүтабаяма “Гонингакари” барилдаанд орж, гурав дахь бөх Кашиманадад ялагдаж байсан гэдэг.
\タイムシフト配信中/
— ニコニコ生放送【ニコ生公式】 (@nicolive_PR) October 4, 2017
国技館では16年ぶりの披露となる「横綱五人掛かり」や
白鵬と稀勢の里による「三段構え」が
「大相撲 beyond 2020場所」にて行われました❗
➡https://t.co/axp6FrBahj#大相撲 #大相撲beyond2020 #Sumo2020 pic.twitter.com/jwAUl1B0LE