2 мин

"WIFI" НУУЦААР ХЭРЭГЛЭЖ байгаа хүнийг ингэж мэдээрэй

Төхөөрөмжийн заалт, IP хаяг, программын тусламжтай олж болох юм.

2017.10.06 44 42 35

68

Интернет эрчимтэй хөгжсөн өнөө үед гэр, албан тасалгаандаа "wifi" төхөөрөмж суурилуулах нь ихэсжээ. Гэхдээ ямар ч холболт, сүлжээний хязгаарлалтгүй үед танай интернетийг өөр нэгэн хулгайгаар хэрэглэж байхыг үгүйсгэхгүй. Тиймээс дараах аргуудыг ашиглан "зальт этгээд"-ийг илрүүлээрэй. 

Төхөөрөмжийн заалт

Олон хэрэглэгч төхөөрөмжид нэвтэрсэн үед шалтгаангүйгээр хурд удаашрах, саатал үүсч болно. Зарим “wifi” төхөөрөмж хэдэн хэрэглэгч интернетэд холбогдож байгааг илтгэх заалттай байдаг. Харин тийм заалтгүй бол өөрийн бүх төхөөрөмжийг  интернет холболтоос салгасны дараа төхөөрөмж интернет цацаж байгаа эсэхийг нягтлаарай. 

Компьютерээр шалгах

Интернетэд холбогдсон компьютерээ асаагаад, цонх+R товчийг дарж, “cmd” гэж бичээд хайгаарай. Ингээд “ipconfig” гэж хайлт хийснээр “default gateway” гэсэн цэс гарна. Энэ нь тус компьютерийн холбогдсон сүлжээг ашиглаж байгаа нийт хэрэглэгчдийн IP хаяг юм.

Гэхдээ IP хаяг бүр өөр учир, гадны хаягийг ялгахын тулд “mac address”, “attached devices”, “my network” зэрэг цэсүүдийн аль нэгээс харах боломжтой. Таны компьютерийн системээс хамааран дээрх гурван цэсний аль нэг нь гарч ирэх юм. 

Програм ашиглах

Дээрх аргууд амжилтгүй болвол интернет төхөөрөмжийнхөө тохируулгыг өөрчлөөрэй. Ингэхдээ дараах үнэгүй программуудаас ашиглаж болох юм. 

-Zamzom Wireless Network Tool
-BitMeter
-Wireshark
-Networx 

Зөвшөөрөлгүй хэрэглэгч илэрвэл нууц үгээ солиорой.

Ингээд үл таних хэрэглэгч танай интернетийг зөвшөөрөлгүй хэрэглэж байгааг олж мэдвэл хөршийгөө хардахаасаа өмнө нууц үгээ солиорой. Төрсөн он сар, чухал шаардлагатай огноо, амархан үг,  үсэгтэй байхаас илүү нууцлал ихтэй тохируулах хэрэгтэй. Ингэхдээ дараах зарчмыг баримтлаарай.

-8-аас дээш тэмдэгттэй байх

-Том, жижиг үсэг ашиглах

-Тоо, тэмдэгт (".*+№ гэх мэт) хэрэглэх

-Өөрийн нэр, хаяг, утасны дугаараа ашиглахгүй байх хэрэгтэй.

Эх сурвалж: Softonic.com

2017.10.06

68