Олон Улсын Цөмийн Зэвсгийн Эсрэг Байгууллага НОБЕЛИЙН ЭНХ ТАЙВНЫ ШАГНАЛ хүртлээ
Тус байгууллага нь 101 улсыг эгнээндээ нэгтгэсэн ч аль ч улсын засгийн газраас хараат бус үйл ажиллагаа явуулдаг юм.
2017 оны Нобелийн Энх Тайвны шагналыг Олон Улсын Цөмийн Зэвсгийн Эсрэг Байгууллага хүртлээ. Тус байгууллагын “Улс орнуудын дайсагнал, хагарал бутрал болсон аймшигт цөмийн зэвсгийн эсрэг явуулсан хүнлэг энэрэнгүй үйл ажиллагаа”-г нь үнэлэн уг шагналыг олгосон байна.
Швейцарын Женев хотод төвтэй тус байгууллага нь 101 улсыг эгнээндээ нэгтгэсэн ч аль ч улсын засгийн газраас хараат бус үйл ажиллагаа явуулдаг юм. 2007 онд байгуулагдсан бөгөөд одоогоор 101 улсын 468 гаруй төрийн болон төрийн бус байгууллагатай хамтран ажиллаж, цөмийн зэвсгийн эсрэг үйл ажиллагаа явуулсаар иржээ. “Бид цөмийн зэвсгээр дүүрэн дэлхийд амьдарч байна. Хойд Солонгос тэргүүтэй улсууд цөмийн зэвсгээрээ нэгнээсээ давах гэж өрсөлдөж, зэр зэвсгээ нэмэгдүүлсээр байна. Харин тус байгууллага дэлхий нийтэд энх тайвныг бий болгохоор ажиллаж, 10 жилийн хүч хөдөлмөрийн үр дүнд өнгөрсөн долдугаар сарын 7-ны өдөр НҮБ-ийн 122 улс “Цөмийн Зэвсгийг үл дэлгэрүүлэх гэрээ”-нд гарын үсэг зурсан юм.” гэж Нобелийн Хорооноос мэдэгджээ.
Ираны Гадаад Яамны сайд Мохаммед Жавад Зариф, Европын Холбооны Гадаад Хэрэг Аюулгүй Байдлын Бодлогын дэд төлөөлөгч Федерика Могерини нар гол шагналтнаар тодорчээ.
Эх сурвалж: Nobelprizes.org