2 мин

Эмэгтэй улстөрчдөд боломж олгодог сайхан цаг хэзээ ирэх вэ?

Ub.life 2017.10.06 39 17 8

13

Европын холбооны хамгийн гол тоглогч Германы канцлераар Ангела Меркель дахин тодров. Тэр бол дэлхийн улстөр дэх хамгийн хүчирхэг эмэгтэйчүүдийн нэг. 

Харин энэ бол Канадын "Мөрөөдлийн кабинет". Кабинетийнх нь хамгийн чухал 15 албыг эмэгтэйчүүд тэргүүлдэг. 

Энэ бол Токио хотын захирагч Юүрико Койке. Токио хот яагаад хөгжлөөрөө дэлхийд тэргүүлдэг вэ гэдгийн нэг нууц нь ухаалаг, ажил хэрэгч энэ эмэгтэйтэй холбоотой.

Харин Улаанбаатар хотыг үеийн үед эрэгтэйчүүд удирдаж ирсэн. НИТХ болон Нийслэлийн Засаг даргаар нэг ч эмэгтэй ажиллаж байгаагүй гээд бод доо. 

Яг одоо ажиллаж буй НИТХ-ын 46 төлөөлөгчийн 9 нь эмэгтэй. 

Гэвч тэдэнд ерөөсөө боломж олгодоггүй. Тун саяхны үйл явдлын нэхэн санавал НИТХ-ын даргад эрэгтэй, эмэгтэй хоёр хүн нэр дэвшихэд реакц ямар байв аа? Эмэгтэй нэр дэвшигчийг газар дор олтол нь муулж, байж боломгүйгээр дайрч давшилсэн шүү дээ. 

Зөвхөн эмэгтэй гэдгээс нь шалтгаалж элдвээр дайрч, давшилдаг ийм нөхцөлд мэдлэг, чадвартай олон эмэгтэй удирдах албанд өрсөлдөж, нэр дэвшвэл бид ингэж дайрсаар л байх уу? НИТХ-д мэдлэг, боловсролтой олон чадварлаг эмэгтэй бий шүү дээ. 

Улаанбаатар бол хөгжиж буй хот. Энд олон асуудал, олон боломж бий. Магадгүй энэ хотыг эмэгтэй хүний нүдээр харж, асуудалд хандвал олон зүйлс шийдэгдэх боломжтой ч байж мэднэ. 

"Улстөрд сайхан юм хэлүүлмээр бол эрэгтэй хүн, сайн юм хийлгэмээр бол эмэгтэй хүнд даатга" гэсэн Маргарет Тетчерийн алдарт үг бий. Энэ үг үнэн гэдгийг бид олон удаа харж байна даа. 

Эмэгтэй улстөрчдөд эрх тэгш боломж олгодог сайхан цаг хурдан ирээсэй. 

Ub.life 2017.10.06

13