мин
Шуурхай мэдээ: БНСУ-д гадаад оюутнуудыг цагийн ажил хийхийг хориглолоо
Дотоодын хөдөлмөрийн зах зээлд гадаад оюутнуудын эзлэх хувь өндөр болсонтой холбоотой аж.
Э.Намуун 
39 
15 
3 
БНСУ-д сурч буй гадаад оюутнуудыг үйлдвэрт цагаар ажиллахыг хориглож байгаагаа тус улсын Хууль зүйн яамнаас энэ сарын 5-ны өдөр албан ёсоор танилцуулав. Уг шийдвэр нь солонгосын их, дээд сургуульд бакалавр, магистрын зэрэг горилогчид, мөн хэлний бэлтгэлд хамрагдаж буй бүх гадаад оюутанд хамаарна.
Ийнхүү хориг тавих болсон нь дотоодын хөдөлмөрийн зах зээлд гадаад оюутнуудын эзлэх хувь өндөр болж, өөрийн орны иргэдийн ажлын байрыг хомсдож байгаатай холбоотой аж.
БНСУ-д оны эхний найман сарын байдлаар манай улсын 6420 оюутан суралцаж буйгаас хэлний бэлтгэлд 3242, үндсэн ангид 3178 оюутан тус тус суралцаж байна. Тус улсад сурч буй манай оюутнуудын тоо жил бүр өсч буй бөгөөд 2015 онд 4847, 2016 онд 6000 оюутан суралцаж байжээ.
Иймд манай улсын оюутнууд суугаа орныхоо хууль дүрмийг чандлан дагаж мөрдөх, хууль бусаар хөдөлмөр эрхлэхээс зайлсхийхийг Гадаад харилцааны яамнаас анхааруулж байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Гэрэлмаа 
Ub.life
О.Анхзаяа