1 мин

Эдийн Засгийн салбарын НОБЕЛИЙН ШАГНАЛЫГ Чикаго Их сургуулийн эрдэмтэн хүртлээ

Түүний зан төлөвийн эдийн засагт оруулсан хувь нэмрийг үнэлэн тус шагналыг олгожээ.

2017.10.09 36 23 2

8

2017 оны Нобелийн Эдийн Засгийн салбарын шагналыг АНУ-ын Чикаго Их сургуулийн эрдэмтэн, судлаач Ричард Х.Тайлор хүртлээ. Түүний "зан төлөвийн эдийн засгийн шинжлэх ухаанд оруулсан хувь нэмрийг үнэлэн" тус шагналыг олгожээ. 

Түүний хамгийн гол судалгаа эдийн засгийн шинжлэх ухааныг сэтгэл судлалаар дамжуулан тайлбарласан явдал юм. Ингэхдээ хүний үр ашигтай шийдвэр,  нийгмийн хандлага, өөрийгөө үл хянах зэрэг нь нэгдэн нийлснээр макро эдийн засагт нөлөөлж байдгийг томьёолжээ. 

Үр ашигтай шийдвэр

Хүн эдийн засгийн сонголтдоо сэтгэл хөөрлөөр ханддаг, өөрийгөө эргээд хохирогч болно гэдгийг мэдсээр байж хонжвор тоглох, түрээсийн мөнгөө төлөлгүй амралтаар явах зэргээр ханддаг нь хүний зан төлөв эдийн засагт нөлөөлөхөд хүргэдэг аж. 

Нийгмийн хандлага

Үүнд борлуулагчийн сэтгэл ханамж, хүнлэг, шударга ёсыг багтаажээ. Жишээлбэл, гадаа бороо орж байх үед шүхэр зардаг хүн шударга нэгэн бол шүхрээ хэвийн үнээр борлуулна. Эсрэгээрээ шударга бус, шунамхай зантай нэгэн үнээ өсгөдөг нь эдийн засагт асар ихээр нөлөөлнө.  

Өөрийгөө үл хянах

Эдийн засгийн бүрэлдэхүүн хэсэг болох нэгж хүний худалдан авалтаа хянах байдлаас макро эдийн засгийн байдал хамаардгийг онцолжээ. Эдгээр гурван хүчин зүйл нэгдэн хүний эдийн засгийн шийдвэрт нөлөөлдгийг эрдэмтэн Ричард Х.Тайлор судалгаагаараа нотолсон аж.

Эх сурвалж: Nobelprize.org

2017.10.09

8