1 мин
Сонирхогчдын бокс тайвань хөгшнөөс саллаа
Рио-де-Жанейрод болсон олимпийн наадам зэрэг том тэмцээнүүд шүүлтийн булхай, найраа, авилга дунд явагдсан нь ч Ву Куог халах үндэслэл болж байгаа юм.
М.Сугар-Эрдэнэ
44 
41 
26 
Олон улсын сонирхогчдын боксын холбооны (AIBA) ерөнхийлөгч Ву Чинг Куог үүрэгт ажлаас нь чөлөөлөхөөр тус холбооны Сахилга батын асуудал эрхэлсэн комиссоос Швейцарийн Лозанна хотод шийдвэрлэлээ. 71 настай тайвань хөгшинд хэд хэдэн зүйл ангиар “ял тулгасан” байна.
Юуны өмнө AIBA бүрэн дампуурах дөхсөн. Одоогийн байдлаар 12 сая фунт стерлингийн өртэй байгаа гэнэ. Мөн Олон улсын сонирхогчдын боксын холбооноос өөрт хэрэгтэй шийдвэр гаргуулахын тулд Гүйцэтгэх хорооны хэд хэдэн гишүүнийг халах гэж оролдсон хэрэгт буруутгагдсан. Энэ талаар авч хэлэлцэх ёстой байсан AIBA-гийн ээлжит бус чуулганыг тэр таслан зогсоох гэж санаархсан байна. Бразилийн Рио-де-Жанейрод болсон олимпийн наадам зэрэг AIBA-гийн том тэмцээнүүд шүүлтийн булхай, найраа, авилга дунд явагдсан нь ч Ву Куог халах үндэслэл болж байгаа юм.
2018 оны нэгдүгээр сард Дубайд болох чуулганыг хүртэл тус холбоог Европын боксын холбооны тэргүүн, AIBA-гийн дэд ерөнхийлөгч Франко Фальчинелли удирдах шинжтэй байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа