1 мин

Удирдах зөвлөл Шадар сайдад Ө.Энхтүвшин, Д.Тэрбишдагва нарын хэнийг дэвшүүлэхийг хүлээж байна

Б.Энхцэцэг 2017.10.11 44 23 22

МАН-ын Удирдах зөвлөл өнөөдөртөө багтан хуралдах магадлалтай тул гишүүд нь хүлээлтийн байдалтай 18.30 цагтай золгов. Гэвч одоогоор ямар нэгэн тов зарлагдаагүй байна.

Төрийн ордонд Ерөнхий сайд асан Ж.Эрдэнэбатын өрөөнд МАН-ын бүлгийн М.Энхболдын талыг баримтлагч гишүүд цуглан Шадар сайд, Батлан хамгаалахын сайд, Барилга, хот байгуулалтын сайдад дэвшүүлэх нэрсээ ярилцаж байна. Эх сурвалжийн хэлснээр,  Батлан хамгаалахын сайдад УИХ-ын гишүүн Н.Энхболд, Барилга, хот байгуулалтын сайдад УИХ-ын гишүүн Ё.Баатарбилэгийг дэвшүүлэхээр Ерөнхий сайд У.Хүрэлсүхтэй тохирсон бол Шадар сайдад нэр дэвшигчийн асуудал асуултын тэмдэгтэй хэвээр байгаа аж. Хэвлэл мэдээллийн хэрэгслээр УИХ-ын гишүүн Ө.Энхтүвшинг Шадар сайдад дэвшүүлэхээр тохирсон хэмээн мэдээлж байгаа ч түүнтэй УИХ-ын гишүүн Д.Тэрбишдагва өрсөлдөхөөр болсон байна. Ийнхүү яг одоо “гарын үсэг зураагүй” хэсэг Ө.Энхтүвшин үү, Д.Тэрбишдагва уу гэдэг дээр хэлэлцэж, ямар нэг шийд гаргаагүй байна.

Б.Энхцэцэг 2017.10.11