“Gucci” брэнд ахин үслэг эдлэл гаргахгүй гэдгээ мэдэгдлээ
Дэлхийн томоохон брэнд, загвар зохион бүтээгчид амьтны үсээр хувцас хийхээс татгалзаж эхэллээ
Стелла МакКартни, Молли Годдард, Армани зэрэг дэлхийн алдартай загвар зохион бүтээгчид амьтны үсээр хувцас хийхээс татгалзах хөдөлгөөнийг тансаг зэрэглэлийн хувцас загварын ертөнцөд эхлүүлээд байгаа билээ. Тэгвэл энэ хөдөлгөөнд “Gucci” нэгдлээ. Тус компанийн тэргүүн Марко Биззарри “Gucci”-ийн “Зорилгын соёл” нэртэй тогтвортой хөгжлийн төлөвлөгөөнийхөө хүрээнд ахин үслэг эдлэл борлуулахгүй гэдгээ мэдэгджээ.
Энэ нь тус компанийн хувьд маш том бөгөөд эрсдэлтэй шийдвэр байсан юм. “Gucci”-ийн Бүтээлч дарга Алессандро Мишель энэ шийдвэр гарахаас өмнө аль хэдийн олон тооны үслэг эдлэлтэй цуглуулгаа бэлдчихээд байсан юм. Тэр цуглуулгад маш их хурганы арьсаар хийсэн гэрийн шаахай зэрэг бүтээл багтсан байжээ. “Gucci” 19000 ам.долларын үнэтэй үслэг хүрмүүдээ худалдаанд гаргахаа зогсоосон байна.