Харви Вайнштейний Холливудын хохирогчид
Шуугиант нийтлэл гарснаас хоёр хоногийн дараа Харви өөрийн байгуулсан “The Weinstein Company”-иас халагдсан бол эхнэр Жоржина Чапман салах төлөвлөгөөтэй байгаагаа сэтгүүлчдэд ярьсан байна.
Холливудын нөлөө бүхий продюсер Харви Вайнштейнийг тойрсон шуугиан намдаагүй л байна. Америкийн “The New York Times”-т энэ сарын 5-нд Харви Вайнштейн залуу жүжигчдийг бэлгийн дарамтанд оруулж, хүчирхийлж байсан баримтат нийтлэл гарснаас хойш одоогийн байдлаар 13 эмэгтэй хохирогчийн нэр тодроод байгаа бөгөөд тэр 8 бүсгүйтэй тохиролцооны гэрээ байгуулж, мөнгө төлсөн нь мэдэгдсэн.
1990-2015 оны хооронд Харви залуу жүжигчин, загвар өмсөгч, туслах ажилчдад байнга бэлгийн дарамт үзүүлдэг байсан дотор Роуз Макгоуэн, Эшли Жадд нарын алдартай жүжигчид байна. Анжелина Жоли, Гвинет Пэлтроу, Бен Аффлек, Жордж Клуни, Мэрил Стрип нараас гадна Барак Обама, Хиллари Клинтон нарын улстөрчид ч түүнийг шүүмжлэн үг хэлээд байна.
Шуугиант нийтлэл гарснаас хоёр хоногийн дараа Харви өөрийн байгуулсан “The Weinstein Company”-иас халагдсан. Одоо тус компани нэрээ солихоор зэхэж байгаа бол эхнэр Жоржина Чапман салах төлөвлөгөөтэй байгаагаа сэтгүүлчдэд ярьсан байна.
Ингээд хохирогчдыг танилцуулья.
Анжелина Жоли
Жессика Барт
Гвинет Пэлтроу
Кейт Бекинсейл
Хизер Грэм
Роуз Макгоуэн
Азия Арженто
Ромола Гарай
Жюдит Годреш
Розанна Аркет
Кара Делевинь
Леа Сейду