Цаг агаар: Улаанбаатарт маргааш 0 хэмийн дулаан
Өнөө, маргаашдаа нутгийн зүүн хэсгээр бага зэргийн цас орно.
Өнөө, маргаашдаа нутгийн зүүн хэсгээр бага зэргийн цас орж, ихэнх нутгаар хүйтэн хонохыг Ус, цаг уур, орчны шинжилгээний газраас мэдээллээ.
Маргааш буюу бямба гарагт Улаанбаатарт үүл багасна. Өдөртөө 0 хэмийн дулаан байх бол шөнөдөө 8 хэмийн хүйтэн хононо. Салхи секундэд 6 метр.
Энэ сарын 15-нд нутгийн баруун хэсгээр, цаашдаа ихэнх нутгаар өдөртөө дулаарч Алтай, Хангай, Хөвсгөл, Хэнтэйн уулархаг нутгаар шөнөдөө 10-15 градус хүйтэн, өдөртөө 4 градус дулаанаас 1 градус хүйтэн, говийн бүс нутгийн өмнөд хэсгээр шөнөдөө 2 градус дулаанаас 3 градус хүйтэн, өдөртөө 11-16 градус дулаан, бусад нутгаар шөнөдөө 2-7 градус хүйтэн, өдөртөө 5-10 градус дулаан байна.
Ирэх мягмар гараг буюу 17-нд Хөвсгөлийн уулсаар бага зэргийн цас орно. Бусад хугацаанд хур тунадас орохгүй. Салхи ихэнх хугацаанд секундэд 7-12 метр.