1 мин

Ерөнхийлөгчийн хариу хүлээлт үүсгэв

Б.Энхцэцэг 2017.10.16 45 38 11

Ерөнхий сайд У.Хүрэлсүх сайдад нэр дэвшигчдээ зөвшилцөхөөр Ерөнхийлөгч Х.Баттулгад өнгөрсөн долоо хоногт өргөн мэдүүлсэн бөгөөд Ерөнхийлөгч хариуг өнөөдөрт багтаан өгөх болов уу гэсэн хүлээлт Төрийн ордонд үүсээд байна. Х.Баттулга Сангийн сайдад дэвшигч, УИХ-ын гишүүн Ч.Хүрэлбаатарын томилгоог дэмжихгүй байгаа сураг гарсан. 

УИХ дахь намын бүлгүүд даваа гаригт хуралддаг уламжлал өнөөдөр эвдэгдэж, МАН-ын бүлэг, АН-ын бүлэг хуралдахгүй аж. МАН-ын бүлэг сайдад нэр дэвшигчдээ хэлэлцэхээр өнгөрсөн долоо хоногт ээлжит бусаар хуралдсан тул энэ удаа өнжихөө зарлажээ. Харин АН-ын бүлэг маргааш хуралдах юм байна.

УИХ-ын Байнгын хороод маргааш сайд нарыг томилох асуудлаар хуралдах бөгөөд нөгөөдөр буюу лхагва гаригийн чуулганы хуралдаанаар Засгийн газрын шинэ бүрэлдэхүүнийг томилно. Сайд нарыг томилох хуулийн хугацаа энэ сарын 18-нд дуусгавар болох юм.  

Б.Энхцэцэг 2017.10.16