Сергей Бубкад хурдан морь бэлэглэлээ
"Сергей, Бубка гэдэг нэртэй хоёр морьтой боллоо. Тэднийгээ Монголд үлдээлээ" гэж бичжээ.
Украины ҮОХ-ны ерөнхийлөгч, ОУОХ-ны Гүйцэтгэх зөвлөлийн гишүүн С.Бубkа Монголд айлчилж байна. Өнгөрсөн бямба гаригт МҮОХ-ны ерөнхийлөгч, Азийн Олимпийн зөвлөлийн Гүйцэтгэх хорооны гишүүн Д.Загдсүрэн, Украины ҮОХ-ны ерөнхийлөгч, ОУОХ-ны Гүйцэтгэх зөвлөлийн гишүүн С.Бубkа нар "Хамтын ажиллагааны санамж бичиг"-т гарын үсэг зурах ёслол боллоо. Хоёр тал баг тамирчдын хамтарсан бэлтгэл зохион байгуулахаас гадна дасгалжуулагч, судлаач, спортын сэтгүүлчдийг солилцохоор урьдчилан тохиролцлоо.
Тус ёслолд МҮОХ-ны дэд ерөнхийлөгч, “Мосkва-1980” олимпийн жүдо бөхийн мөнгөн медальт Ц.Дамдин, Ерөнхий нарийн бичгийн дарга, “Бээжин-2008” олимпийн боkсын аварга Э.Бадар-Ууган, “Сөүл-1988” олимпийн боkсын хүрэл медальт Н.Энхбат, МҮОХ-ны гүйцэтгэх зөвлөлийн гишүүн Ч.Амарсанаа, Монголын үндэсний олимпийн аkадемийн ерөнхийлөгч, Монголын хөнгөн атлетиkийн холбооны ерөнхий нарийн бичгийн дарга Ч.Зоригтбаатар нар байлцлаа. Одоогоос 15 жилийн өмнө МҮОХ-ны ерөнхийлөгч Д.Загдсүрэн тэргүүтэй төлөөлөгчид Kиев хотноо айлчилж байсан түүхтэй. Тулгууртай харайлтын суут тамирчин Сергей Назарович Бубка нь олимпийн нэг, дэлхийн арван удаагийн аварга бөгөөд 2005 оноос Украины ҮОХ-г тэргүүлж, ОУОХ-ны гишүүнээр 2008 онд сонгогдон, 2015 онд Олон улсын хөнгөн атлетиkийн холбоо (IAAF)-ны Тэргүүн дэд ерөнхийлөгчийн албыг хаших болсон.
Тулгууртай харайлтын домог болсон Сергей Бубкад хурдан удмын хоёр хүлэг морийг бэлэг болгон барьсан байна.
Сергей Бубка твиттер хуудсандаа энэ зургаа оруулж, “Монголчуудын зочломтгой зан. Сергей, Бубка гэдэг нэртэй хоёр морьтой боллоо. Тэднийгээ Монголд үлдээлээ. Эндээ наадамд уралдаад байж байг. Амжилт хүсье” хэмээн бичсэн байна.