“Цөмийн дайн хэзээ ч эхэлж магадгүй” гэж Хойд Солонгос мэдэгдлээ
"АНУ-ын бүх нутаг манай пуужингийн хараан дор, хүрэх зайд байна. Манай ариун газар нутагт цөмрөн орох гэж оролдох л юм бол бид хариуг нь өгч, хатуу шийтгэнэ” гэж амалсан юм.
Хойд Солонгосын НҮБ дахь байнгын төлөөлөгч Ким Ин Рен “Цөмийн зэвсгийг бүр мөсөн хориглох санааг манай улс бүрэн дэмжиж байна. Гэхдээ АНУ цөмийн зэвсэгтэй байгаа үед бид ч зэвсгээ хадгалан үлдэх болно. Цөмийн дайн хэзээ ч эхэлж магадгүй” гэж НҮБ-ын Ерөнхий чуулганы индэр дээрээс мэдэгдлээ.
Мөн “АНУ байнга цөмийн зэвсгээр сүрдүүлж, айлгаж байхад бид цөмийн зэвсгийг бүр мөсөн устгах гэрээнд нэгдэхгүй. Бид эх орон, амь насаа хамгаалах гэж л цөмийн зэвсэгтэй болсон. Америкаас ийм удаан хугацаанд цөмийн сүрдүүлэг сонссон улс манайхаас өөр байхгүй. Солонгосын хагас арал дээр байдал тун хурцадсан тул цөмийн дайн хэзээ ч эхэлж магадгүйд хүрээд байна. Бид цөмийн бөмбөг, устөрөгчийн бөмбөг, тив хоорондын пуужингаа зөөх, байнд хүргэх маш олон арга замтай болсон. АНУ-ын бүх нутаг манай пуужингийн хараан дор, хүрэх зайд байна. Манай ариун газар нутагт цөмрөн орох гэж оролдох л юм бол бид хариуг нь өгч, хатуу шийтгэнэ” гэж амалсан юм.