Торгоны замын үеийн занданшуулсан шарил МОНГОЛООС илрүүлжээ
Тус судалгааны үр дүнд 2000 жилийн өмнөх иргэдийн аж амьдралыг мэдэх боломжтой гэж үзжээ
Өмнөд Солонгосын археологичид Монголын баруун бүсийн нутгаас 2000 жилийн настай занданшуулсан шарил илрүүлсэн тухай тус улсын “Ёнхап” агентлаг мэдээллээ. Өмнөд Солонгосын Соёлын өв судлал, Монгол судлаачдын хамтарсан хайгуулын үеэр Алтайн нурууны Шивээт хайрхан орчмоос 165-170 см өндөртэй, хятад хувцас өмссөн эрэгтэй хүний тус занданшуулсан шарилыг илрүүлжээ.
Археологийн баг Монгол-Оросын нутагт нүүдэлчин соёл ноёрхож байх үед хамаарах 2 бунхан илрүүлсэн байсан нь энэхүү занданшуулсан шарилтай нэг үед хамаарна гэж үзжээ.
Баруун энгэр нь зүүнээ дарсан эртний хятадын “Юүрэн” гэх дээлтэй байсан нь Торгоны зам дагуу аялж явсан худалдаачин юм уу, Монголд суурьшсан Хятад иргэн байх магадлалтай юм.
Занданшуулсан шарилын хувцсыг энэ сард Өмнөд Солонгост тээвэрлэн ДНХ-ийн шинжилгээ хийн тухайн цаг үеийн иргэдийн амьдрал, хоол хүнсийг ч тогтоох боломжтой гэж судлаачид мэдэгджээ.
Эх сурвалж: Yonhap