Ван Даммын 57 дахь удаагийн төрсөн өдөр
1990-өөд оны сүүлээр зодоонтой киног хүмүүс сонирхохоо байхад Ван Дамм ч алгуурхан тайзнаас алга болсон юм.
Өнөөдөр Холливудын жүжигчин, Бельгийн тамирчин Жан-Клод Ван Даммын төрсөн өдөр тохиож байна. 1980-аад оны сүүлчээс зодоонтой кинонд тоглон нэрд гарсан Ван Дамм 57 нас хүрч байгаа юм. Уг нь бол тэр Европын аварга каратэч хүн.
“Цуст спорт”, “Киборг”, “Кикбоксер”, “Универсал цэрэг” киногоор нь монголчууд түүнийг сайн мэднэ. Хамгийн анхны кинондоо 250 доллараар тоглож байсан бол 1992 онд тэр “Универсал цэрэг” киноноос 1.5 сая доллар авсан. 1990-өөд оны сүүлээр зодоонтой киног хүмүүс сонирхохоо байхад Ван Дамм ч алгуурхан тайзнаас алга болсон юм.
Гэвч сүүлийн үед “The Expendables 2” кинонд тоглон, нэр алдар нь дахин сэргэж эхэлсэн. Ялангуяа манай хойд хөршид Ван Дамм олон төсөлд оролцож байгаа.