Нийтийн 00-оос халдвар авахаас хэрхэн сэргийлэх вэ?
Мэргэжилтнүүд зөвлөж байна.
Нийтийн жорлонд бие засна гэдэг тийм ч хүсээд байхаар зүйл биш. Хичээн цэвэрхэн харагдаж байсан ч нүдэнд үл үзэгдэх хэдэн мянган нян бактери, өвчний халдвар энд байгаа юм билээ гэж бодохоос ч аймшигтай санагддаг шүү дээ.
Хэрвээ нийтийн жорлонд бие зассаныхаа дараа ямар нэгэн халдвар авсан байх вий гэж санаа зовдог бол та ганцаараа биш. Их Британийн Үндэсний эрүүл мэндийн мэргэжилтэн, доктор Прийти Даниэлд өвчтнүүдээс хамгийн их ирдэг асуулт үүнтэй холбоотой байдаг аж. Хүмүүс нийтийн 00-д бие засвал ямар нэг бэлгийн замын халдварт өвчний халдвар авах уу гэж хамгийн ихээр санаа зовдог байна.
Энэ тухай тэрбээр “Хүмүүсийн энэ түгээмэл ойлголт тийм ч үнэний ортой биш. Хэрэв нийтийн 00-ын суудлаас таны эрхтэн рүү, эсвэл гуя, өгзөг дээрх ил шарх руу шууд халдвар орсон тохиолдолд тэр төрлийн өвчин авах магадлал нэмэгддэг. Бараг нисдэг гахай унаж яваад аянганд ниргүүлж үхэх магадлал нийтийн 00-ын суудлаас бэлгийн замын халдвар авахаас илүү өндөр байх шүү. Тиймээс санаа зовох хэрэггүй” гэжээ.
00-ын суудлаас халдварлах боломжтой хамгийн түгээмэл нян бол E-Coli буюу сальмонелл юм. Мэргэжилтнүүдийн ярьж буйгаар нийтийн 00-ын суултуураас илүү шал маш олон нян, бактеритай байдаг байна.
“Харин ч 00-ын суултуурт хүрэхээс зайлсхийж суултуур дээр явган сууж бие засах, 00-ын өрөөнөөс гарах гэж яаруу сандруу бие засах нь шээсний сүвийн халдвар авах магадлалыг нэмэгдүүлдэг” хэмээн Үндэсний эрүүл мэндийн төвийн мэргэжилтэн ярьжээ.
Мэргэжилтнүүд нийтийн 00-оос халдвар авахаас сэргийлэхийн тулд дараах 3 зүйлийг анхааруулсан юм.
1. 00 орсныхоо дараа шууд гараа угааж занш.
2. Гар ариутгагч бодис үргэлж биедээ авч яв.
3. Суултуур дээр суухаас өмнө суултуур дээр 00-ын цаас дэвсэх, эсвэл бактери устгадаг салфеткаар суултуурыг арчиж бай.
Зочин 2019.07.14 202.126.89.170
Yg vnendee niitiin 00 iin suultuuraas ilvv tsaasan mungun dewsgert ilvv ih nyn teedegshd. Tegsen ch gesen bid bohir zawaan mungiig goldoggvi bizde. Shijigeer uwduj, svjigeer edgene gedeg l vnen ymda
1 1 Хариулах