Хятадууд дэлхийн хамгийн том ЭЗГҮЙ ХОТЫГ бүтээхэд 1.1 ИХ НАЯД ЮАНЬ зарцуулсан
1 сая хүн амьдрах боломжтой тус хот 100 мянган гаруй оршин суугчтай.
Өвөр Монголын баруун өмнөд хэсэгт орших Ордос хотын Ханг Баши дүүрэг дэлхийн хамгийн том эзгүй бүс -хот болоод байна. Олон мянган орон сууц, барилга байгууламж бий ч түүнд амьдрах иргэд үгүй.
1990-2000 онд хувийн эзэмшлийн уул уурхайн компаниуд тус дүүрэгт их хэмжээний орд газрыг эзэмшин үйл ажиллагаа явуулах болсноор БНХАУ-ын Засгийн газар шинэ хотыг босгохоор 1.1 их наяд юань буюу 161 тэрбум ам.долларын хөрөнгө оруулалт хийжээ. Ингээд 1 сая гаруй хүн амьдрах боломжтой их хотыг бүтээн байгуулсан ч 100 мянга хүрэхгүй хүн ам л суурьшжээ.
2010 оноос хойш Ордос руу нүүх иргэдэд ноогдуулах татварыг чөлөөлсөн юм.
Орон сууц, барилга байгууламжаас гадна үзвэр үйлчилгээ, худалдааны газрууд байгаа ч хэн ч, хэзээ ч ашиглаж байсангүй.
Одоогийн иргэд нийт газар нутгийн ердөө 2 хувьд л амьдарч байна.
35 мянган суудалтай спорт байгууламж ч эзэнгүй хэвээр.
Иргэд нүүн ирэхийг хүссэн ч худалдаа үйлчилгээ, зах зээл байхгүйгээс амьдрах аргагүй гэж үзжээ.
Тус дүүрэгт 100 гаруй архитекторыг урин, орон сууцны 100 гаруй төсөл хэрэгжүүлж, барилга сууцны загвар төслийг боловсруулсан аж.
Дүүргээс 30 гаруй км зайд Цагдаагийн газрын барилгыг ч босгов.
Олон мянган сурагч хүлээн авах боломжтой ЕБС-ийг дотуур байрын хамт бүтээсэн ч хэн ч ажиллахыг, суралцахыг хүссэнгүй.
Эх сурвалж: Businessinsider