Флоренц хотын сүмийн орой нурж, аялагч амиа алджээ
Сэргэн мандалтын үеийн хамгийн том сүмд цууралт үүсээд уджээ.
Италийн Флоренц хотын Санта Круз сүмийн дээвэр нуран унаснаас сүмд аялж явсан 52 настай Испани иргэн харуусалтайгаар амиа алджээ. Ойролцоогоор 20 гаруй метрийн өндөртэй сүмийн оройд цууралт үүссэн ч сэргээн засварлаагүй удсанаас 15 см зузаантай хатуулаг чулуу цууран доош хүчтэй унасан аж.
Сэргэн мандалтын үеийн Микельанжело, Галилео Галилей зэрэг суут төлөөлөгчдийн түүхэн бүтээлээс бүрдсэн Санта Крузын сүм Италийн хамгийн хөл хөдөлгөөнтэй, жуулчдын хөл ихтэй бүс юм. Болсон үйл явдлын дараа сүмийн үйл ажиллагааг түр зогсоожээ.
Сүмийн захиргаанаас хохирогчийн гэр бүлд гүн эмгэнэл үзүүлэн, сэргээн засварлах ажлыг нэн даруй хийхээ мэдэгдлээ.
Эх сурвалж: BBC