1 мин

10.20: ЯГ ОДОО Монголд анхаарал татаж буй 7 сэдэв

Таны хоцрох ёсгүй мэдээллүүд.

О.Анхзаяа 2017.10.20 12 8 8

3

Дэлгэрэнгүй мэдээлэл авахыг хүсвэл тод хараар тэмдэглэсэн хэсэгт дарна уу.

Энэ өдөр таны мэдэх ёстой бүх зүйл бол:

Улсын Их Хурлын чуулганы 2017 оны 10 дугаар сарын 18, 19-ний өдрийн нэгдсэн хуралдаанаар Монгол Улсын Засгийн газрын гишүүдийг томиллоо. Сайд нар өнөөдөр тамгаа  хүлээн авч үүрэгт ажилдаа орлоо.

Цэргийн жинхэнэ албаны 2017 он хоёрдугаар ээлжийн татлага нийслэлийн хэмжээн аравдугаар сарын 20-ноос 22-ны өдрүүдэд зохион байгуулагдаж байна.

Монгол Улсын Ерөнхийлөгч Х.Баттулга зарлиг гаргаж Гаалийн ерөнхий газрыг Монгол Улсад гаалийн алба үүсч хөгжсөний 105 жилийн ойг  тохиолдуулан Алтан гадас одонгоор шагнав. Шагналыг Монгол Улсын Ерөнхийлөгчийн Тамгын газрын дэд дарга Б.Саруул өнөөдөр гардуулан өглөө.

Хууль зөрчин төрийн өмчийг шамшигдуулсан Нийслэлийн Нийтлэг үйлчилгээний газрын дарга Ш.Одончимэг, Санхүү, аж ахуйн албаны дарга бөгөөд ерөнхий нягтлан бодогч Д.Энхжаргал тэргүүтэй дөрвөн хүнийг АТГ-аас баривчилсан талаар эх сурвалж мэдээлж байна. Улмаар нэр дурдсан хоёр хүнийг цагдан хорьсон бололтой.

Сүхбаатар дүүрэг дэх цагдаагийн хоёрдугаар хэлтсээс ”Дэлхийн зөн” олон улсын байгууллагын дэмжлэгтэйгээр “ИРГЭДЭД ҮЙЛЧЛЭХ ТАНХИМ” шинээр тохижуулан ашиглалтад орууллаа.

Монгол Улсын Ерөнхийлөгчийн санаачилгаар Агаарын бохирдлыг бууруулах Үндэсний чуулганыг Монгол Улсын Ерөнхийлөгчийн Тамгын газраас Орчны бохирдлыг бууруулах үндэсний хороо, БОАЖЯ, ЭМЯ, Эрчим хүчний яам, Барилга, хот байгуулалтын яам, Нийслэлийн Засаг даргын Тамгын газар, Дэлхийн эрүүл мэндийн байгууллагатай хамтран 2017 оны 10 дугаар сарын 23-ны өдөр зохион байгуулах гэж байна.

2017-2018 онд урьдчилсан байдлаар 1629 багийн 177480 өрхөд 65.9 сая толгой мал өвөлжиж, хаваржихаар байна.

О.Анхзаяа 2017.10.20

3