Япон улс ДАЙНЫ ЭСРЭГ хуулиа өөрчилнө
Ерөнхий сайд Шинзо Абэ засгийн газрыг ахин тэргүүлэхээр боллоо.
Ням гарагт Японы парламентийн доод танхимын ээлжит бус сонгууль явагдаж, эрх баригч Либерал Ардчилсан Нам олонхийн суудал авснаар Ерөнхий сайд Шинзо Абэ Засгийн газрыг ахин тэргүүлэхээр боллоо.
Ерөнхий сайд Шинзо Абэ хичээн ажиллахаа дурьдаад Япон улсын энх тайван, аюулгүй байдалд заналхийлж байгаа Хойд Солонгос улстай цөмийн зэвсгийн талаарх тэмцлээ үргэлжлүүлэн, илүү хүчтэй арга хэмжээ авахаа мэдэгдсэн юм. Ингэхдээ 1947 оны 5 сарын 3-наас хүчин төгөлдөр үйлчилж буй Япон улсын Үндсэн Хуулийн 9-р бүлэг буюу “Энх тайвны төлөө аливаа дайнаас татгалзаж, зөвхөн аюулгүй байдлаа хадгалах үүднээс цэргийн хүчээ зузаатгах” тухай хэсгийг өөрчлөх тухай мэдэгдлээ.
Сүүлийн жилүүдэд цөмийн зэвсгийн туршилтаа ихэсгэх болсон Хойд Солонгос Японы Хоккайдо арал руу хоёр ч удаа балластик пуужинг хөөргөсөн. Энэ тухай Ерөнхий сайд Шинзо Абэ “Улс орны аюулгүй байдалд харшилж байна” гэж мэдэгдээд удаа дараа сануулга илгээсэн боловч Хойд Солонгосын зүгээс цөмийн туршилтаа зогсоох боломжгүйгээ илэрхийлсэн юм.
Ингээд Ерөнхий сайд Шинзо Абэ 5 дахь жилдээ улиран ажиллаж, Япон улсын түүхэн дэх хамгийн удаан засгийн эрхийг барьсан Ерөнхий сайд болж байна. Түүнийг ирэх сарын 1-нд албан ёсоор томилох юм.
Эх сурвалж: BBC