Шуурхай: Долоон иргэний цогцсыг олоод байна
15:15 цагт долоо дахь иргэний цогцсыг тус тус олсон байна.
Отгонтэнгэр ууланд сураггүй алга болсон 17 иргэнийг эрэн хайх ажил үргэлжилж байгаа билээ. Эрлийн талаар ОБЕГ-аас мэдээлэл хийлээ. Эрэн хайх аврах ажиллагаа өнөө өглөө 06:20 цагт эхэлжээ.
Үүнээс хойш 11:30 цагт нэг хүний цогцос, 11:40 цагт хоёр хүний цогцос, 13:07 цагт дөрөв дэх, 14:28 цагт тав дахь, 15:15 цагт дахин хоёр хүний цогцсыг нийт 7 иргэний цогцсыг далайн төвшнөөс 3200 метрийн өндрөөс олсон байна.
Одоогийн байдлаар осолдсон цогцсыг таних боломжгүй, ослын голомтод цагдаа, шүүх эмнэлгийн баг бүрэлдэхүүн ажиллаж байна. Иргэдийн цогцсыг Отгонтэнгэр уулын зүүн урд талд 3200 метрийн өндөрт байдаг эгц хадан хясаанаас олжээ.
Ослын газарт ОБЕГ-аас 5, Аврах тусгай анги-8, Нийслэлийн Аврах анги-4, Давтан сургалт, сэргээн заслын төв-1, Завхан аймгийн Отгон сумаас 10, Гэмтэл согог, сэргээн засах үндэсний төвөөс -5, Зэвсэгт хүчний жанжин штабаас 4, Завхан аймгаас 4 уулчин, Уулчдын нэгдсэн холбооноос 4 уулчин, Завхан аймгийн Цагдаагийн газрын 10, Шүүхийн шинжилгээний албаны 4, Нэгдсэн эмнэлгийн 10, Завхан аймгийн Онцгой байдлын газрын 12, Ховд аймгийн Онцгой байдлын газрын 5, Баян-Өлгий аймгийн Онцгой байдлын газрын 5, Увс аймгийн Онцгой байдлын газрын 7, Говь-Алтай аймгийн Онцгой байдлын газрын 6, нийт 111 хүн ажиллаж байна гэж Онцгой байдлын ерөнхий газраас мэдээллээ.