Японд гоймон сорох чимээг дардаг ухаалаг сэрээ бүтээжээ
Хоолыг соронгуут ухаалаг сэрээ гар утсанд дохио дамжуулна.
Японы бэлэн хоолны “Nissin” компаниас “ухаалаг” сэрээ зохион бүтээжээ. Энэхүү сэрээ нь хоолыг чангаар сорж иддэг хүмүүсийн чимээг дардаг шидтэй эд гэнэ. Япончууд рамен шөлний гоймон болон бэлэн хоолыг хүчтэйгээр сорж, идэх дуртай. Энэ нь харин гадаад хүмүүс, аялагч жуулчдын дургүйцлийг хүргэдэг юм.
Тиймээс “ухаалаг” сэрээ гадаадын иргэдтэй хамт ажилладаг япончуудад тун хэрэгтэй зүйл боллоо гэж тус компанийхан үзэж байна. Хоолыг соронгуут ухаалаг сэрээ гар утсанд дохио дамжуулна. Гар утаснаас сорох чимээг дарсан дуу хөгжмийг тоглуулж эхлэх юм.
“Отохико” нэртэй энэхүү “ухаалаг” сэрээг 5 мянган ширхэг хийсэн бөгөөд нэгийг нь 130 доллараар зарах юм.