Хиллари Клинтон 70 нас хүрлээ
Билл Клинтоныг хүмүүс “Хилларигийн нөхөр” гэж нэрлэх боллоо.
Хиллари Дайан Родэм 1947 оны 10 дугаар сарын 26-нд Чикаго хотод төрсөн. “Yale University” их сургуульд суралцаж байхдаа тэр ирээдүйн нөхөр, ирээдүйн Ерөнхийлөгч Билл Клинтонтой танилцсан юм.
Хиллари амьдралынхаа ихэнх хугацааг нөхрийнхөө улстөрийн амьдралд туслаж, сүүдэрт нь сууж өнгөрөөсөн ч өөрөө бас том зорилготой хүн байлаа. 1998 онд Моника Левински, Билл Клинтон хоёрын янар амрагийн явдлыг дэлхий шуугиж байхад Хиллари гэрбүлд нь тохиолдсон тэр хүнд явдлыг даваад, гэтлээд гарч чадсан. Дэлхий тэгэхэд түүнийг хатуу чанга, зарчимтай хүн болохыг харсан билээ.
Хувь заяаны тоглоомоор Моника Левинскигийн шуугиан Хилларигийн улстөрийн замналыг эхлүүлсэн юм. Энэ шуугианы ачаар тэр Биллийн бүрэн эрхийн хугацаа дуусахад эхлээд Нью-Йорк мужийн амбан захирагч, дараа нь Төрийн нарийн бичгийн дарга гэсэн том албан тушаал хашсан. Билл Клинтоныг хүмүүс “Хилларигийн нөхөр” гэж нэрлэх боллоо. Хатуу чанга дипломат гэдгээ харуулсан Хиллари өнгөрсөн жил Ерөнхийлөгчийн сонгуульд өрсөлдөж, Доналд Трампыг ялах шахсан билээ.