2 мин

УРЛАГТ хайртай хэн бүхний унших гадаад хэл дээрх 10 НОМ

Өөрийгөө олохыг хүсвэл урлагийг судал.

2017.10.27 45 30 13

138

Өөрийгөө олох болон алдахуйн мэдрэмжийг урлагаас л нэгэн зэрэг хүртэж болно гэсэн үг бий. Урлаг, уран бүтээлчдийн талаар сонирхон шимтэж явдаг ч ямар ном уншихаа төдийлөн мэдэхгүй байгаа бол танд дараах 10 номыг санал болгож байна. 

1. “Х Хатагтай” Гиоиа Дилберто

Алдарт зураач Жон Зингер Саржентийн бүтээсэн “Х Хатагтай” хөрөгийн түүх болон урлагийн түүх, ойлголтын талаар нарийн учир холбогдлыг тайлбарлан дүрсэлжээ.

2. “Амьдралын таашаал” Ирвинг Стоун

Суут зураач Винсент ван Гогийн ахдаа бичсэн ил захидал, намтар, дурсамжийн талаар урлагийн түүхээр дамжуулан өгүүлнэ. 

3. “Цэнхэр сахал” Курт Воннегут 

Уран бүтээлчийн амьдралын өвөрмөц содон байдлын намтарчилсан роман. Зураач, бүтээгч хүн хүссэн тэмүүлсэн цор ганц бүтээлээ урлахын тулд зовлон бэрхшээлийг хэрхэн даван гарч буйг шулуун шударгаар өгүүлсэн гэж уншигчид “goodreads” сүлжээнд бичжээ. 

4. “Хатагтай Пикассо” Анни Жирардо 

Зураач бүсгүй урлагийн өлгий нутаг Парисыг зорьж буйгаар роман эхэлнэ. Тэр агуу их хүсэл мөрөөдөлтэй ч цэл залуухан нэгэн байлаа. Ингээд адал явдал үргэлжилж, удалгүй алдарт Пабло Пикассогийн анхаарлыг татаж эхэлнэ. 

5. “Дориан Грейн хөрөг” Оскар Уайльд

Язгууртны эгнээнд орохоор шийдсэн царайлаг, залуухан хархүү Дориан Грей хөргөө зуруулжээ. Дээдсийн зиндаанд байр суурь нь тэлэхийн хэрээр сэтгэл нь эвдэрч, хүн чанар нь доройтсоор. Тэр гаднаасаа өнгөжин жавхаажих хэдий ч түүний залуугийн хөрөг нэгэнтээ өтөлсөн байх болно. Сонирхолтой, жигт түүх таныг үл уйдаана.

6. “Шанхайгаас ирсэн зураач” Женнифер Эпштейн

20-р зууны Хятадын хамгийн алдартай уран бүтээлч Пан Юүлений амьдралаас сэдэвлэн бүтээсэн роман. Хятадын урлагийн түүх, уран зураачийн онцгой замналыг хүүрнэнэ. 

7. “Агуу эр” Кейт Кристенсен

Алдартай уран бүтээлч Оскар Фельдманий түүхээс сэдэвлэсэн энэхүү бүтээлээс зөвхөн мэдээлэлтэй болоод зогсохгүй, урлагийн талаар гоо зүйн нарийн илэрхийллийг тольдох боломжтой. 

8. “Сувдан ээмэгтэй бүсгүй” Трейси Шевалье

Энэ ном 17-р зууны хамгийн алдартай Голландын зураач Йоханнес Вермерийн “Сувдан ээмэгтэй бүсгүй” зургаар нэрлэгдэн бүтээгджээ. Эмэгтэй амьдралынхаа хамгийн чухал үнэ цэнэ зураг болохыг ухаарч буйгаар зохиол өрнөнө. 

9. “Артемисиягийн хүсэл” Сьюзан Вриланд 

Сэргэн мандалтын үеийн урлагийн түүхэнд цөөн эмэгтэй уран бүтээл бичигдэн үлджээ. Тэгвэл энэ үеийн томоохон төлөөлчийн талаар роман өгүүлэх аж. 

10. “Тэмцэл ба хөөр баяр” Ирвинг Стоун 

Италийн сэргэн мандалтын үеийн зохиолч, яруу найрагч Микеланжелогийн намтар, уран бүтээлээс сэдэвлэсэн роман. Түүний бусдад төдийлөн ил болоогүй түүхүүд ч багтжээ. 

Эх сурвалж: Bookstr.com

2017.10.27

138