“Эрчүүд ч гэсэн уйлдаг” фото төсөл
“Эр хүн шиг бай” гэдэг үгийг эрчүүд багаасаа л байнга сонсож ирсэн.
Голландын залуу гэрэл зурагчин бүсгүй Мод Фернхоут цуврал ажлаа “Эрчүүд уйлж болох уу” гэсэн өвөрмөц сэдвээр хийжээ. “Эр хүн шиг бай” гэдэг үгийг эрчүүд багаасаа л байнга сонсож ирсэн. Өөрсдөө өсөж том болоод үр хүүхдүүддээ ч бас “Эр хүн шиг бай” гэж хэлдэг болсон. Эр хүн шиг бай гэдэг нь уйлж унжихгүй, сэтгэлийн хөдөлгөөнөө ил гаргахгүй бай гэсэн үг. Тэгвэл яагаад эрчүүд уйлж болохгүй гэж.
Мод Фернхоут “Сэтгэлийн хөдлөлөө ил гаргах нь сул доройн шинж биш харин бусад хүмүүстэй ил тод, юм нуухгүй байх гэсэн сэтгэлийн хүчний илрэл гэж би боддог” гэж хэлсэн юм. Түүний зургийн ажлын моделиор их сургуулийн нэгэн дамжааны нөхөд нь ажиллажээ. Тэднийг уйлуулахын тулд Мод уйтгартай дуу тавьж, зураг үзүүлэн, өнгөрсөн үеийг нь асуун, гунигтай үеүүдэд нь нэвтрэн орж байв.