"Pilot Translation" чихэвч 5 хэлээр ТӨГС орчуулна
"Waverly Labs” компаниас “Pilot Translation Earpece” нэртэй шинэ төрлийн орчуулагч чихэвч гаргахаа мэдэгдлээ.
Өнгөрсөн сард “Google” компани 40 гаруй хэлээр орчуулдаг ухаалаг чихэвч худалдаанд гаргасан. Гэвч зөвхөн “google translate” сүлжээгээр дамжин явагддаг нь хэрэглэгчдийн зүгээс алдаатай, буруу орчуулгатай гэсэн шүүмжийг дагуулсан. Тэгвэл “Waverly Labs” компаниас “Pilot Translation Earpece” нэртэй шинэ төрлийн орчуулагч чихэвч гаргахаа мэдэгдлээ.
249 ам.долларын үнэтэй чихэвч харилцан ярианы явцад сонсголд нөлөөлөхгүйгээр аман орчуулгыг шууд үйлдэх юм. Ямар ч төрлийн утсандаа “waverly” аппликейшнийг татан холбосноор шууд орчуулгыг сонсож, бичвэрээр харж, дуудлагыг үзэх ч боломжтой.
Эхний удаад төхөөрөмж англи, франц, итали, португаль, испани гэсэн 5 хэлээр орчуулах бол дараагийн хувилбар нь түрк, грек, солонгос, орос зэрэг багцаар гарах аж.
Нэг удаагийн цэнэглэлтээр 4 цаг хүртэл цэнэгээ хадгална. Пластик материалтай энэхүү хөнгөн чихэвч улаан, хар, цагаан өнгөөр худалдаанд гарах юм. Төхөөрөмжийн онцлог нь харилцагч ч өөрийн утсандаа дээрх аппликейшнийг суулгасан бол харилцан яриаг шууд утсаас утсанд дамжуулах боломжтой.
Эх сурвалж: BBC