Чили улс Майк Тайсоныг оруулсангүй
2013 онд түүнийг Их Британид орохыг мөн хориглож байв.
Мэргэжлийн боксын дэлхийн аварга асан Майк Тайсон өчигдөр Чилид очсон боловч тус улсын Аюулгүйн албаныхан оруулсангүй. Тайсон Чилийн нэгэн телевизийн сувгийн урилгаар арга хэмжээнд оролцох ёстой байжээ. Гэвч түүнийг нисэх буудалд буухад нь хил давах зөвшөөрөл өгөөгүй байна.
Чилийн Засгийн газраас урьд өмнө хар тамхины хэрэгт орж байсан хүмүүсийг нутагтаа оруулдаггүй. Энэ жил 51 настай Тайсон 1990-өөд оны эхээр хүчингийн хэргээр анх шоронд орж, дараа нь зодоон, хар тамхины хэрэгт холбогдон, шоронгийн хаалга татаж явсан түүхтэй. Майк Тайсоныг Чилийн хилийн албаныхан АНУ явах онгоцонд суулгаснаар энэ явдал төгсгөл болсон байна. 2013 онд түүнийг Их Британид орохыг мөн хориглож байв.