Билл Гэйтс технологид бүрэн хамрагдсан “УХААЛАГ ХОТ” байгуулна
АНУ-ын Аризона мужид шинэ хотыг босгох юм.
Дэлхийн тэргүүн баячуудын нэг, “Microsoft” корпорацийн үүсгэн байгуулагч Билл Гэйтс өндөр технологид хамрагдсан "ухаалаг хот" байгуулахаа мэдэгдлээ. АНУ-ын Аризона мужид 25600 акр газар худалдан аваад байгаа бөгөөд 80 сая ам.долларын хөрөнгө оруулалтаар шинэ хотыг байгуулах юм.
"Ухаалаг хот"-д орон сууц, үйлчилгээ, ажлын байр, сургууль цэцэрлэг гээд бүхий л байгууламжийг бүтээн босгохоос гадна дэд бүтцийн хувьд хамгийн ухаалаг шийдлийг бүрдүүлснээр “мөрөөдлийн хот” болох юм гэж мэдэгдлээ. "Нийт 80 мянга гаруй орон сууцын барилгаас бүрдэх бөгөөд ухаалаг технологид бүрэн хамруулна. Одоогоор нээгдээд байгаа бүх технологийг нэгэн дор цогцлоосноор хүний амьдралыг аз жаргалын диваажин болгох болно. Хүн бүр үүнийг хүсдэг биш гэж үү?" гэж тэрбумтан хэлжээ.
Үүний өмнө “Miscrosoft” компани Канадын Торонто хотод “Quayside” нэртэй өндөр технологийн хот байгуулж буйгаа мэдэгдсэн. Одоогоор тус компани 16 хотыг бүрэн хэмжээний технологид хамруулахаар ажиллаж байгаа юм.