Миллениалууд хөрөнгөтэй болох гэж хичээж байна
Гэтэл үл хөдлөх хөрөнгийн үнэ дэлхий даяар өсөж байгаатай зэрэгцээд оюутны сургалтын төлбөрийн зээл тэдэнд дарамт болж байна.
Дэлхийн хүн ам улам ч хөрөнгөжиж байна. Ялангуяа бөмбөрцгийн хүн амын нэг хувьтай тэнцэх ТОП давхаргынхан бүх хүн амын талынх нь хөрөнгө баялагтай тэнцэх хэмжээний эд хөрөнгийг эзэмшиж байна.
Швейцарийн "Credit Suisse" банкнаас жил бүр танилцуулдаг "Global Wealth Report" гэх судалгаанаас харахад дэлхийн баячууд улам ч хөрөнгөжсөөр байна. Чинээлэг давхаргынхан уламч хөрөнгөжсөөр байгаагийн нотолгоо нь ТОП давраргын 1 хувь нь дэлхийн хүн амын 50 хувийнхтай тэнцэх хөрөнгө баялгийг эзэмшиж байна.
2008 оноос хойш хувьцаа болон санхүүгийн хөрөнгийн үнэлгээ өсөж, ам.долларын ханш чангарсан нь чинээлэг 1 хувийн хөрөнгө өсөж буйн шалтгаан болж байна. Энэ жил гэхэд л S&P 500-гийн ханш 15 хувиар чангарсан байна. Түүнийг эзэмшигчид тэр хэрээр хөлжжээ.
"Credit Suisse" банкны судалгаанд мөн миллениал үеийнхэн өөрийн гараар өмч хөрөнгөө бүтээхээр зорьж буй тухай тэмдэглэжээ. Дэлхийн өндөр хөгжилтэй орнуудад оюутны сургалтын зээлийн хэмжээ өсөж, санхүүгийн хямралтай холбоотойгоор ажлын байр хумигдаж байгаа нь тэдэнд нөлөөлж байгаа талаар дурдсан байна. Мөн үл хөдлөх хөрөнгийн үнэ өсөж байгаа нь миллениал үеийнхэн хөрөнгө, баялагтай болоход нь хүндрэл үүсгэж байгаа тухай тэмдэглэжээ. Тус банк миллениал үеийнхэн чинээлэг давхаргынхны хөрөнгө чинээ өсөх үеийн хар шуургатай нүүр тулж байна гэв.
Эх сурвалж:buzzfeed.com