Японд галт тэрэг 20 секундийн өмнө ирсэн тул уучлал хүсчээ
Цукуба хотоос хөдлөх галт тэрэг хуваарьт цагаасаа 20 секундийн өмнө зогсоолд иржээ.
Япон улсын нийслэл Токио хотын иргэд хувийн тэрэг хөлөглөхөөс илүүтэй хуваарьт нийтийн тээврээр зорчдог. Тэгвэл өчигдөр өглөө Цукуба хотоос Токио чиглэлд хөдлөх галт тэрэг хуваарьт цагаасаа 20 секундийн өмнө зогсоолд ирсэн тул зорчигчдоосоо уучлал хүссэн байна. Тус бүсийг нийтийн тээврийн “Metropolitan Intercity Railway” компани хариуцдаг. Галт тэрэг Минами дахь зогсоолд өглөөний 9:44 минутад ирж хөдлөх ёстой байсан ч 20 секундийн өмнө ирсэн байна.
Энэ тухай компаний зүгээс цахим сүлжээндээ албан ёсоор уучлал хүссэн байна.
Уг нийтлэлд “Бидний хариуцлагагүй ажиллагаанаас болж хохирсон үйлчлүүлэгчдээсээ хүлцэл өчье. Япон ард түмэн эртнээс цагийн хуваарийн нарийн дэглэмийг баримталж ирсэн. 20 секундийн ялгаа олон хүмүүст жижиг зүйл шиг санагдаж магадгүй. Гэвч Цукуба хотод өглөөдөө 4 минут тутам галт тэрэг ирдэг ч хором бүр зорчигчдын хувьд үнэ цэнэтэй. Бид хоцорсон л бол хариуцлагаа хүлээх ёстой. Нэг хормын алдааг бид анзаарахгүй өнгөрөөж болох ч үүнийг хүлээн зөвшөөрвөл 15 минутын алдааг нүдээ аниад сурчихна. Тиймээс бага зүйлд ч хариуцлага хэрэгтэй. Япон ард түмний хамгийн том үнэ цэнэ үүнд оршино.” гэж бичжээ.
Эх сурвалж: Japantoday.com