мин

Яагаад шинээр авсан хувцсаа УГААЖ өмсөх хэрэгтэй вэ?

Шинэ хувцас бүр “цоо” шинэ байдаггүйг мэргэжилтнүүд анхааруулжээ.

2017.11.20 33 31 7

16

Дэлгүүрийн лангуунаас худалдан авсан хувцсаа тэр дор нь өмсчихдөг үү? Тэгвэл шинэ хувцас бүр “цоо” шинэ байдаггүйг эрүүл мэндийн мэргэжилтнүүд анхааруулжээ. 

“Шинээр худалдан авсан ямар ч хувцсыг угааж цэвэрлэсний дараа өмсөх хэрэгтэй. Учир нь үйлдвэрт бүтээгдэж, дэлгүүрт хүргэгдэж, эцэст нь таны гарт хүрсэн бараа бүтээгдэхүүн ямар зам туулсныг та мэдэхгүй шүү дээ. Тэр бүхнийг бодолцож, зайлшгүй угаах шаардлагатай” гэж Германы хувцас загварын зөвлөх Лана Хогуэ хэлжээ. Үүнээс гадна шинэ хувцас үйлдвэрийн ариутгалд ордог ч бүрэн угаагдаагүй байдгаас химийн элемент хүний арьсанд шууд нөлөөлөх юм. 

“100 хувь даавуун, эсвэл өндөр зэрэглэлийн хувцас байсан ч угаах хэрэгтэй. Учир нь нүдэнд үл үзэгдэх химийн бичил биет удаан хугацааны хадгалалт, нөөцийн үеэр задарч хувцаст шингэсэн байдаг. Мөн таны өмнө хэдэн үйлчлүүлэгч өмсөж үзсэнийг таахын аргагүй шүү дээ” гэж зөвлөх онцолжээ. Химийн элементтэй, хэн нэгний өмсөж үзсэн хувцас арьсаар дамжин биед хачиг үүсгэж, хавдарын эхлэл ч болох аюултай юм. 

Эх сурвалж: Harpersbazaar.com

2017.11.20

16