мин

МАХН УИХ-д суудалгүй болох уу

Б.Энхцэцэг 2017.11.20 46 45 43

2

УИХ-ын гишүүн О.Баасанхүүг түүний харьяалдаг МАХН эгнээнээсээ хасах шийдэлд хүрч байна. МАХН-ын Гүйцэтгэх товчооны гишүүн, МАХН-ын хуульч Л.Мөнхсайхан, намын Хяналт, ёс зүйн хорооны дарга Г.Давааням нар өнөөдөр мэдээлэл хийхдээ энэ тухай мэдэгдэв. УИХ-ын гишүүн О.Баасанхүү МАХН-ын нэр хүнд унагаж, Улс төрийн намын тухай хууль болон намын дүрэм зөрчсөн нь МАХН-ын гишүүнээс хасагдсанд тооцох үндэслэл болж байгааг тэд хэллээ.

“О.Баасанхүү Ерөнхийлөгчийн 2017 оны сонгуульд МАХН-аас нэр дэвшигч С.Ганбаатарын эсрэг ажилласан, “Эрдэнэт” үйлдвэрийг бүх ард иргэдэд хувьцаа болгох саналыг эсэргүүцсэн, ТЕГ-ын дарга асан Б.Хурцыг өмгөөлөн хамгаалж, бусдын гар хөл болдог зэрэг үндэслэл нь намын гишүүн байх ёс зүйг зөрчсөн” гэж  МАХН-ын төлөөлөгчид тайлбарлав. Мөн УИХ-ын гишүүн О.Баасанхүү МАХН-ын Бага чуулган, Их хурлыг хуралдуулахыг бусдад уриалж, намын бус гишүүдийн гарын үсгийг цуглуулсан зэрэг олон үйлдэл гаргаж байгааг тэд онцоллоо.

О.Баасанхүү нь МАХН-аас УИХ-д сонгогдсон цорын ганц гишүүн бөгөөд хэрэв тэрбээр намаасаа хөөгдвөл бие даагчийн статустай болох бол, МАХН парламентад суудалгүй болох юм.

Б.Энхцэцэг 2017.11.20

2