3 мин
F.R.I.E.N.D.S цувралаас суралцах АМЬДРАЛЫН 35 ХИЧЭЭЛ
Цувралын анги бүр амьдралын тухай үнэнийг өгүүлэх болно.
1994 онд анх дэлгэцнээ гарсан ч өнөөг хүртэл мянга мянган үзэгчдийг байлдан дагуулсаар байгаа бүх цаг үеийн хамгийн шилдэг цуврал “F.R.I.E.N.D.S” буюу "Найзууд" билээ. Нийт 10 улирлын 236 анги бүхий хөгжөөнт цуврал инээдмийн хошин өнгө аястай боловч амьдралын тухай үнэн мөнийг багагүй хүүрнэн өгүүлдэг. Ингээд тус цувралаас сурч болох амьдралын тухай 35 сургамжийг хүргэж байна.
1. Насанд хүрсэн хүний амьдрал өөрийн хүч чадлаар мөнгө олохоос эхэлдэг.
2. Өөрийн мэдрэмжийг шуудхан бусдад хэлэхээс бүү ай.
3. Чин сэтгэлийн хайр сэтгэл цаг хугацаанаас хамаардаггүй.
4. Бусдын мод л үргэлж ногоон байдаггүй. Өөрийнхөө давуу талыг олж хар.
5. Найзыгаа хүнд бэрх үед нь хэзээ ч бүү орхи.
6. Сэтгэл гутрах үед архи үргэлж зөв сонголт байдаггүй.
7. “Хайч-Чулуу-Даавуу” тоглоомд “гал” ашигла. Үргэлж өөрийнхөөрөө, давтагдашгүй бай.
8. Жинхэнэ найзууд чиний өмнөөс баярладаг.
9. Бас хүнд бэрх үед чинь хэзээ ч орхихгүй.
10. Олны өмнө авьяас чадвараа үзүүлэхээс бүү ай. Тэд биш та өөрийгөө тодорхойлно.
11. Интернетээр хүнтэй танилцахдаа болгоомжтой бай. Компьютерийн цаана хэн ч байж болно.
12. Хэзээ ч, хэзээ ч сайхан хоол таашаахаас бүү татгалз. Гоё хоол иддэг хүн гоё л байдаг.
13. Найзыгаа хэзээ ч бүү олны дунд ганцааранг нь хүлээлгэ.
14. Амьдралын жижиг хэсгээс ч аз жаргал мэдэр. Хөгжилдөхөд хэзээ ч оройтохгүй.
15. Чамайг ойлгодог найзтайдаа баярлаж яваарай.
16. Холоос хайж яваа хүн чинь дэргэд байж болно. Дэргэдээ байгаа хайр дурлалыг бүү алд.
17. Эцэг эх болсон ч хөгжилдөхөө бүү зогсоо.
18. Хамгийн хайртай хүн л хамгийн их өвтгөдөг.
19. Эмэгтэй нь эхэлж гуйлаа гээд юу ч өөрчлөгдөхгүй.
20. Салалтыг найзуудынхаа хүчээр даван туулж болно.
21. Бусдыг хуурч болох ч өөрийгөө хуурч болохгүй.
22. Ажилдаа дургүй бол шуудхан гар. Хүсэл мөрөөдлөө дага.
23. Маргаж байгаа хоёрын дундуур хэзээ ч бүү ор.
24. Өдөрт багахан зурагт үзэх тийм ч сүртэй зүйл биш. Ялангуяа найзтайгаа хамт.
25. Муу зуршлаа хичээл зүтгэлээр ялж болно.
26. Найзуудаараа байнга цугладаг газартай болчихвол нэг нэгнээ байнга хайх хэрэггүй болно.
27. Гадаад төрхөө зоригтой өөрчлөхөөс бүү ай.
28. Хайртай хүнээ хэзээ ч бүү хуур. Бас турш.
29. Жижиг зүйлийг ч төлөвлө. Төлөвлөдөг найзыгаа хайрла.
30. Хэрэгтэй үед өөртөө итгэлтэйгээр "Үгүй" гэж хэлж сур.
31. Дунд сургуулийн нөхөрлөл насан туршийнх байдаг.
32. Эрчүүдээр нүүрээ будуулна гэдэг тийм ч сайхан санаа биш.
33. Хэнд ч бүтэлгүйтэл тохиодог. Тайван бай.
34. Хааяа ч гэсэн бусдын шүүмжийг тоолгүй өөрийнхөөрөө оролдоод үзэх хэрэгтэй.
35. Эцэст нь, сайхан найзуудтай байх амьдралыг илүү амттай, амархан болгодог.
2017.11.20