1 мин

МАН-ын дүрэм, мөрийн хөтөлбөр батлагдлаа

Б.Энхцэцэг 2017.11.21 40 18 10

2

Монгол ардын намын XXVIII их хурлын салбар хуралдаануудаар хэлэлцсэн “Монгол Ардын Намын дүрмийн шинэчлэл”, “Монгол Ардын Намын хичээн эрмэлзэх зүйл, мөрийн хөтөлбөрийн шинэчлэл”-ийг нэгдсэн хуралдаанаар өчигдөр эцэслэн хэлэлцэн баталжээ. Намын дүрэмд орсон өөрчлөлтийн дагуу намын Удирдах зөвлөл, Бага хурлын гишүүдийн тоог тогтсон байна. Бага хурлын гишүүдийн 30 хувь нь намын анхан шатны байгууллагын төлөөллөөс бүрдэх юм. Мөн эмэгтэйчүүдийн квотыг 30 хувьд хүргэхээр тогтжээ.

МАН-ын XXVIII их хурал хоёр дахь өдрөө Соёлын төв өргөөнд үргэлжилж байна. Одоо XXVIII их хурлын төлөөлөгчид намын их хуралд тавьсан улс төрийн илтгэлүүдийн талаар санал шүүмжлэл өрнүүлж байгаа бөгөөд 50 гаруй төлөөлөгч саналаа хэлж байна. Үүний дараа намын даргад нэр дэвшүүлж, санал хураахаас гадна “Их хурлаас гаргах уриалга”-ын төслийг хэлэлцэх юм.

Б.Энхцэцэг 2017.11.21

2