"CryptoNation" чуулга уулзалт ирэх сард болно
Блокчэйнд суурилсан цахим мөнгөний талаарх ойлголтоо улам баталгаажуулаарай
Ард санхүүгийн нэгдлээс “CryptoNation” гэх сэдвээр чуулга уулзалт зохион байгуулах гэж байна. Ирэх сарын 2-нд болох уг чуулга уулзалт нь блокчэйн ба криптовалютыг олон нийт, бодлого гаргагчид, эрдэмтэд, хувийн хэвшилд таниулах зорилготой юм байна. Мөн дээрх шинэ үзэгдлийн талаар хэлэлцүүлэг зохион байгуулах аж.
Чуулга уулзалтад 1000 гаруй оролцогч орно гэж тооцож буй гэнэ. Харин илтгэгчдийн хувьд биткойныг зохиосон хүмүүсийн нэг гэгддэг, bitcoin.com-ийн автор Стерлин Луян, биткойнд хөрөнгө оруулагч Стен Лауриссенс зэрэг гаднын эрхэм оролцох юм. Мөн Ард санхүүгийн нэгдлийн гүйцэтгэх захирал Ч.Ганхуяг оролцох юм.
Сонирхуулахад, биткойны олборлолтоор дэлхийд тэргүүлэгч, Өвөр Монголын Ордос хотод үйлдвэртэй, Хятадын “Bitmain technologies limited” компани чуулга уулзалтын ивээн тэтгэгчээр оролцох юм байна.
Чуулга уулзалтын талаар дэлгэрэнгүй мэдээлэл авах бол ЭНД дарна уу.