1 мин

У.Хүрэлсүх: Ардын намынхаа эв нэгдлийг нүдний цөцгий мэт хайрлан, хамгаалж ажиллах болно

Ж.Тэгшжаргал 2017.11.21 39 17 10

5

МАН-ын 28 дугаар их хурал болж, нийт 1300 төлөөлөгчийн 63.1 хувийн саналаар Ерөнхий сайд У.Хүрэлсүх МАН-ын даргаар тодорлоо. 

Тэрбээр тамгаа гардаад хэлсэн үгэндээ "Энэ нам бол эцэг нам. МАН-д бидний өвөг дээдсийн ариун сүр сүлд оршин тогтнодог гэдгийг хэлэхийг хүсэж байна. Энэ агуу, түүхт намын даргаар би өнөөдөр сонгогдлоо. Асар их хариуцлага, ачаа ирж буйг өөрийн оюун бодол, бие сэтгэлээрээ мэдэрч байна. МАН бол эв нэгдэлтэй нам. Монгол гэдэг айлын ууган хүү юм. Энэ Монгол орны цаашдын хувьд заяа манай намтай салшгүй холбоотой. Ардын намынхаа эв нэгдлийг нүдний цөцгий мэт хайрлан хамгаалж ажиллах болно. Улс орныхоо эдийн засгийн уналтыг зогсоох, сэргээх үүрэг давхар надад оногдож байгаа. УИХ дахь МАН-ын бүлгийн 33, 32 гэсэн яриа энэ цаг үеэс эхлэн эцэс болж байна гэдгийг та бүхэнд зарлая" гэсэн юм. 

Ж.Тэгшжаргал 2017.11.21

5