мин

Ширли: Энэ хүн Стивийг хөнөөснөөр миний амьдралд ч бас цэг тавьсан

Алуурчинд 16 жилийн ял оноолоо.

Э.Хулан 2017.11.22

Их Британийн парапланы тамирчин өнгөрсөн онд Монголд бусдын гарт амиа алдсан. Тэгвэл түүний алуурчинд 16 жилийн ял оноожээ. Их Британийн баруун хэсэгт орших Чеширийн 56 настай Стив Наш 2016 оны есдүгээр сард Монголд дээрэмдүүлж, бусдын гарт амь насаа алдсан. Тэрбээр Монголын Хангай нуруугаар парапланы аялал хийж явсан юм.

Монгол Улсын төв хэсэгт орших Архангай аймгаас түүний цогцос олдсон. Хэтэвч болон пасспорт нь алга болсон байжээ.

Гэмт этгээдийн нэрийг Б.Гантулга гэдэг. Шүүх хурал Монголд өнгөрсөн баасан гарагт болж, чанга дэглэмтэй хорих ангид Б.Гантулгыг ял эдлүүлэхээр болжээ.

Нашийн эхнэр Ширли “Стивийг нас барсны дараа миний амьдрал ямар ч утга учиргүй болсон. Бидний хувьд төдийгүй Стивийн хувьд ч энэ хэрэг маш шударга бус байгаа биз дээ. Тэр амьдралд маш их хайртай, олон зорилго тэмүүлэлтэй хүн байсан. Би нөхрөө төдийгүй маш сайн найзаа алдлаа. Энэ хүн Стивийг хөнөөж байхдаа минийхийг ч үгүй хийсэн” гэж хэлэв.

Стив Наш нь өөрийн найз Гаррет Астоны хамт параплан буюу шүхрийн аялал хийж байсан юм. Ингээд ганцаар аяллаа үргэлжлүүлж байхдаа амиа алджээ.

Тэр аяллаа баримтжуулж явсан ба хамгийн сүүлд 2016 оны наймдугаар сарын 31-нд өөрийн зургаа постолжээ.

Эх сурвалж: www.dailymail.co.uk