Дмитрий Хворостовский нас барлаа
2015 оны зургаадугаар сард Дмитрий тархины хавдартай нь мэдэгдсэн.
Оросын алдарт дуурийн дуучин, баритон Дмитрий Хворостовский өнөөдөр насан эцэс болжээ. Түүний нас барсан мэдээг дуучин Йосиф Кобзон, Дмитрий Маликов нар олон нийтийн сүлжээгээр мэдэгдсэн юм.
Удалгүй дуучны албан ёсны төлөөлөгч ч Хворостовский нас барсныг баталсан.
2015 оны зургаадугаар сард Дмитрий тархины хавдартай нь мэдэгдсэн. Тэрбээр хоёр сар тоглолтоо цуцалж, эрчимт эмчилгээ хийлгэсэн билээ.
Түүнийг дуурийн ертөнцийн поп од хэмээн нэрлэдэг байв.
Аравдугаар сарын 16-нд Дмитрий Хворостовский 55 насны ойгоо тэмдэглэсэн.