Бичлэг: А.Батцэцэг “U-23 ДАШТ”-нээс мөнгөн медаль хүртлээ


  |     2017-11-24 11:37   |     1817
  2017-11-24 11:37   |     1817

Бөхийн төрлүүдийн 23 хүртэлх насны Дэлхийн аварга шалгаруулах анхдугаар тэмцээн Польшийн Быдгош хотод болж байна. Чөлөөт бөхийн тэмцээн эмэгтэйчүүдийн 55, 58, 63, 75 кг-ын жингийн барилдаанаар эхэлсэн.

Эхний өдөр Монголын дөрвөн бөх зодоглосноос 58 кг-ын жинд 2014 оны залуучуудын дэлхийн болон Азийн аварга, 2011 оны өсвөр үеийн ДАШТ-ий мөнгө, Азийн АШТ-ий алт, 2015 оны Иван Ярыгиний “Алтан Гранпри”-гийн мөнгө, 2014, 2017 оны хүрэл, Чувашийн Ерөнхийлөгчийн нэрэмжит цомын нээлттэй тэмцээний мөнгө, хүрэл, Дмитрий Миндиашвилигийн нэрэмжит ОУТ-ий алт, “Mongolia Open” ОУТ-ий нэг алт, хоёр мөнгө, нэг хүрэл, насанд хүрэгчдийн УАШТ-ий алт, мөнгөн медальт, “Хасу-Мегастарс” клубийн тамирчин ОУХМ Алтанцэцэгийн Батцэцэг мөнгөн медаль хүртэв. Тэрбээр Польшийн дэвжээнд эхний даваанд 2015 оны залуучуудын дэлхийн аварга Шведийн Элин Йоханна Нильссоныг 2:1-ээр ялав.

Шөвгийн наймд Энэтхэгийн Сангеета Сангеетаг цэвэр ялсан.

Хагас шигшээд БНХАУ-ын Ван Шиаосенийг оноогоор цэвэр (10:0) ялсан.

Алтан медалийн төлөөх барилдаанд залуучуудын дэлхийн хошой аварга Японы Юзүрү Күманод 1:6-гаар ялагдсан юм.

“U-23”-ын ДАШТ-ий анхны медальтан А.Батцэцэг өсвөр үе, залуучууд, 23 хүртэлх гэсэн гурван насны ангиллын ДАШТ-ээс медаль хүртсэн Монголын чөлөөт бөхийн түүхэнд анхны тамирчин боллоо. Гавьяат тамирчин Сүхээгийн Цэрэнчимэд өсвөр үе, залуучууд, насанд хүрэгчдийн ДАШТ-ээс медаль хүртсэн байдаг. Түүнчлэн А.Батцэцэг гурван жилийн давтамжтай гурван насны ангиллын ДАШТ-ээс (“Сомбатхей-2011” өсвөр үеийн ДАШТ-ээс мөнгө, “Загреб-2014” залуучуудын ДАШТ-ээс алтан медаль хүртсэн) медаль хүртээд байна гэж Монголын чөлөөт бөхийн холбооноос мэдээллээ.

58 кг
Алтан медаль - Yuzuru KUMANO (JPN)
Мөнгөн медаль - Battsetseg ALTANTSETSEG (MGL)
Хүрэл медаль - Elin Johanna NILSSON (SWE), Tetyana KIT (UKR)


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Үндэсний бөх: О.Хангай чансааг тэргүүллээ

Чансаанд 2017 оны цагаан сараас эхлэн Улсын наадмыг оролцуулан нийт 23 барилдааныг тооцжээ.

  2017-12-14 08:10

А.Венгер “Хөлбөмбөгчид сүмогоос суралцах хэрэгтэй”

Өрсөлдөгчөө хүндэлж байгаа болохоор сүмочид хэчнээн баярласан ч сэтгэлээ ил гаргадаггүй.

  2017-12-14 03:29

ЖҮДО: “WORLD MASTERS” тэмцээнээс 8 алт, 5 мөнгө, 6 хүрэлтэй

Манай тамирчид “Мастерс”-т эхэлсэн цагаас нь маш амжилттай оролцож байгаа.

  2017-12-13 08:48