2 мин

Жүдо бөхийн зурган мэдээ

Ким Поллинг “Токио Их Дуулга”-д оролцохгүй ч “Мастерс”-т зодоглох төлөвлөгөөтэй байгаа гэнэ.

М.Сугар-Эрдэнэ 2017.11.24

Өнгөрсөн жил бид Өмнөд Солонгосын Гран Приг алдсан билээ. Хэрэв энэ тэмцээн байсан бол энэ амралтын өдрүүдэд болох байлаа. “Азийн гурвал” хэмээн нэрлэгддэг байсан Хятад, Өмнөд, Солонгос, Японы гурван тэмцээн шил дараалан болж, Европын бөхчүүд бүтэн сар Азид байрлан оролцож, зардлын мөнгөө хэмнэдэг байсан. Чежүд олимп, дэлхийн аваргууд их ирдэг байсан. Бараг тэмцээнд оролцдоггүй Тедди Ринер ч тэдний нэг.

Ким Поллинг дахиад гэмтлээ. Энэ удаа тэр Голланддаа болсон Гран Прид гэмтэл авсан. Гэхдээ түрүүлж чадсан. Ким “Токио Их Дуулга”-д оролцохгүй ч “Мастерс”-т зодоглох төлөвлөгөөтэй байгаа гэнэ. Тэр 2013 оноос хойш бүх “Мастерс”-т түрүүлээд байгаа билээ.

Австрийн жүдоч бүсгүй Сабрина Фильцмозер Балбад жүдо бөхийг түгээн тарааж явна.

Туркийн Анкарад багийн “Алтан лиг” тэмцээн эхлэх дөхлөө. Энэ тэмцээнд оролцох алдартнуудыг танилцуулья.

Алтан лигт энэ жил эрэгтэй Явара-Нева (Санкт-Петербург), Fighter (Тбилиси), Спортинг (Лиссабон), Новый Поток (Тюмень), Красная Звезда (Белград), Академик (Черногор), СГС (Сент-Женевьев), Истамбул Спорт Клуб (Истамбул), эмэгтэй Самурай (Вена), Галатасарай (Истамбул), РСС Шампиньи (Шампиньи), ВКД (Валенси), Слави (Нови Сад), Явара-Нева (Санкт-Петербург), Понто-Комбо (Понто-Комбо), АД Лимож (Лимож) багууд өрсөлдөнө.

“Токио Их Дуулга”-д оролцох тамирчид Токиод ирж, бэлтгэлээ хийж байна.

Шведийн жүдо бөхийн холбоо ивээн тэтгэгчээсээ 96574 кроны хөрөнгө оруулалт авчээ.

Голландын шигшээ багт эргэн ирсэн Жуль Франссен нутагтаа болсон Гран Прид түрүүлснийхээ дараа Японы “Mizuno”-той хамтран ажиллах гэрээ байгуулсан байна.

Миклош Унгвари Унгарын алдарт тамирчдын хамт буяны ажилд оролцлоо.

Бейкер эргэн ирлээ. Гэхдээ тэр тэмцээнд оролцоогүй, Аарон Вольфийн хамт Чиба мужийн дунд сургуульд мастер класс хийсэн.

Өнгөрсөн “Гаага Гран При” тэмцээний хамгийн сэтгэл хөдөлгөсөн гэрэл зураг. Рой Мейер.

Олимпийн аварга Рафаэла Сильва Бразилийн дуучин Эльза Соаресийн клипэнд тоглосон. Хэр тоглосныг эндээс үзнэ үү.

Тадахиро Номүрагүй Зурган мэдээ гэж үгүй.

IJF-ээс “Жүдогийн домгууд” цувралын шинэ бүтээлээ дэлгэлээ. Энэ удаагийн гол баатар нь Олон улсын жүдогийн холбооны Шүүгчдийн зөвлөлийн дарга Ян Снайдерс.