Кристин Лагарде шиг хэрхэн хувцаслах вэ?
ОУВС-гийн ахайтан бол санхүүгийн салбарын хамгийн дэгжин бүсгүй. Vogue сэтгүүлийн нүүрэнд Chanel-ийг сурталчилж зургаа даруулсан тийм ч олон бүсгүй санхүүгийн салбарт байхгүй.
ОУВС-гийн тэргүүн Кристин Лагардын хувцаслалт олны харааг булаадаг. Карьерийн олон боломжийг ашиглаж чадсан тэрбээр өмнө нь Францын Сангийн сайдын албыг хашиж байв. Дэлхийд хамгийн нөлөө бүхий лидерүүдийн нэг Кристин Лагардыг франц маягийн сонгодог стилээр хувцасладаг тухай Форбест дурджээ.
К.Лагардын хувцаслалтын соёлыг чанартай, сонгодог гэж тодорхойлж болно. Тэр маш чанартай хувцас сонгож, сонгодог маягийн гоёл чимэглэл хэрэглэдэг. Түүний имижийг тодорхойлбол:
1. Өөрт тохирсон костюм
2. Торгомсог материалтай ороолт
3. Сайн чанарын сувдан ээмэг, зүүлт
4. Тансаг зэрэглэлийн цүнх
Лагардын имижийн хамгийн гол онцлог нь тэр тансаг зэрэглэлийн гоёл чимэглэл ихээр хэрэглэдэг. Хувцаслалтын өнгө төрхийг гоёл чимэглэл хэрхэн өөрчилж болдгийг тэр сайн ойлгодог гэнэ.
Дашрамд, Кристин Лагарде манай сангийн дэд сайд Х.Булгантуяатай уулзсан тухайгаа твиттертээ жиргэжээ.
I was pleased to have very productive discussion with DFM Bulgantuya Khurelbaatar and economic team of Mongolia. pic.twitter.com/7MdzqGb6Vw
— Christine Lagarde (@Lagarde) November 8, 2017